Փաստ ինֆո

2022թ. սեպտեմբերի 1-ից ծերության, հաշմանդամության, կերակրողին կորցնելու դեպքում կենսաթոշակի չափերը սահմանվել են 31600 դրամ, ըստ էության՝ ավելանալով 3000 դրամով։ Որոշումն ընդունվեց կառավարության այսօրվա նիստում։

Ավելի վաղ կառավարությունն առաջարկել էր, որ նվազագույն կենսաթոշակի չափը 28. 600-ից դառնա 30 500 դրամ, բազային կենսաթոշակի չափը՝18 հազարից՝ 21 հազար դրամ։

Որոշման համաձայն՝ պարտադիր ժամկետային զինվորական ծառայության շարքային կազմի զինծառայողի 1-ին խմբի հաշմանդամության կենսաթոշակի չափը 46000 դրամ կկազմի, 2-րդ խմբի հաշմանդամության կենսաթոշակի չափը՝ 36000 դրամ։ Սեպտեմբերի 1-ից 3-րդ խմբի հաշմանդամության, ինչպես նաև պարտադիր ժամկետային զինվորական ծառայության շարքային կազմի մահացած (զոհված) զինծառայողի ընտանիքի անդամի կերակրողին կորցնելու դեպքում զինվորական կենսաթոշակների չափերը կկազմեն 33 000 դրամ։

«Նվազագույն կենսաթոշակի չափը դարձնելով 31 600 դրամ, բոլոր կենսթոշակառուները, ինչպես խոստացել էինք, 3 000 դրամով ավել կստանան»,-նշեց փոխվարչապետ Համբարձում Մաթևոսյանը։

Աշխատանքի և սոցիալական հարցերի նախարար Նարեկ Մկրտչյանն էլ նշեց, որ ընդհանուր առմամբ բարձրանում են 16 600 թոշակառուների, 5186 զինկենսաթոշակառուների և 75000 նպաստառուների կենսաթոշակներն ու նպաստները։

Նախարարի խոսքով՝ նրանք, ովքեր սեպտեմբերի կենսաթոշակը ստացել են օրինակ՝ 1900 դրամով ավել, ապա հոկտեմբերի կեսնաթոշակի հետ մնացած 1100 դրամը ևս կստանան։

Նախարարը նաև նշեց, որ կենսաթոշակների և նպաստների հետվճարի համակարգին պաշտոնապես միացել է արդեն չորս բանկ։

Աղբյուր` Փաստինֆո