Փաստ ինֆո

Սեպտեմբերի 25-ին հստակ տվյալներ է եղել՝ օրով, ժամով, թե որտեղ է սկսվելու պատերազմը և որ ժամին, բայց այդքանն իմանալով հանդերձ՝ ինքը հանգիստ գնացել ու քնել է, որևէ գործողություն չի արել։ Սա արդեն մեկ դավաճանություն, որ հրաման չի տրվել՝ զորքը պատրաստելու։ Սա արդեն մեկ փաստ, որը կարող է գլխավոր դատախազը հիմք ընդունել և ձերբակալել Նիկոլ Փաշինյանին։ Այս մասին Գլխավոր դատախազության շենքի մոտ հայտարարեց զոհված զինծառայողի հայրը։

«Երկրորդ կարևոր փաստը, երբ հոկտեմբերի 7-ին ուղիղ տեքստով հարցազրույցի ընթացքում հստակ նշեց մեր հակահարձակման գործողությունների պլանը՝ հուշելով, թե ինչ ենք նախատեսում։ Այս երկու փաստը բավարար է, որ գլխավոր դատախազը ձերբակալի համար մեկ թշնամուն՝ ազգի դավաճանին, հոդվածը պետք է լինի ազգի դավաճանի ձերբակալություն։ Արթուր Դավթյան, ունես մեկ օր ժամանակ՝ ձերբակալելու համար։ Մենք մինչև էստեղ գալը գիտեինք, որ մեր տղաների արյունը նաև քո վրա է, բայց դու կարող ես մաքրել դա, որ այդ արյունը չփոխանցվի նաև ձեր ընտանիքում, չանցնի ձեր երեխաներին»,- նշեց ծնողը՝ հավելելով, որ հաջորդը հավաքվելու են ՔԿ ԶՔԳՎ-ի մոտ. «Իմացեք, հաջորդը ձեր մոտ ենք լինելու, երբ երեք ամիս առաջ ցուցում եք ստացել, որ հարցաքննեք համար մեկ դավաճանին, բայց մեզ մոտ ասում եք՝ գիտեք հեշտ է հարցաքննել կորպուսի հրամանատարի։ Եթե այդքան դուխ չունեք, որ կորպուսի հրամանատար հարցաքննեք, ոնց եք վարչապետ հարցաքննելու, դուք չեք իմանում, թե ինչ գործի եք նստած»։

Ծնողի խոսքով՝ մինչև հիմա ԶՔԳՎ-ում որևէ գործողություն չի արվել, ծնողներից են իմանում, թե ինչ հանցագործություն է արվել։

«Մեզնից իմանում, ասում են՝ նմա՞ն բան է եղել։ Ասում ենք՝ ամսի 26-ին պերեսմենկա է արվել, բոլորին իջեցրել են, նոր ուժեր հանել, որ չիմանան կուտակումների մասին, ասում է՝ ձեզնից եմ առաջին անգամ լսում։ Բա՞ ինչ եք այդտեղ անում, որ մեզնից պետք է լսեք, թե ինչ է կատարվում»,- նշեց նա՝ հավելելով, որ կայցելեն նաև ԱԱԾ։

Նա հայտարարեց՝ կշարունակեն պայքարը, եթե նույնիսկ հինգ ծնող մնա։

«Եթե մեր տղաները մինչև վերջին իրենց անունը մնացել են դիրքերում ու չեն լքել, սա էլ է ճակատամարտ, որովհետև մենք վաղը հայրենիք ենք թողնելու, Արցախի հողն այն հողն է, որտեղ երկու սերունդ արյուն է թափվել՝ առաջինն իմ ընկերների, երկրորդը՝ մեր տղաների»,- նշեց նա՝ ընդգծելով, որ, եթե Փաշինյանը մայիսին ձերբակալված լիներ, Բերձորն, Աղավնոն ու Սուսը մեզ մոտ կլիներ, եթե նոյեմբերի 9-ին Փաշինյանը ձերբակալված լիներ՝ Շուռնուխը մերը կլիներ, թշնամին չէր նստի Սյունիքում, Վարդենիսում։

Աղբյուր` Փաստինֆո