Փաստ ինֆո

Մեր հայրերը, պապերը 32 տարի առաջ ջանք ու եռանդ չխնայեցին՝ իրենց երազանքը կյանքի կոչելու համար, բայց վերջին երկու տարիներին մենք անգամ չենք կարող խոսել այն հաջողությունների մասին, ինչը գրանցել ենք նախորդ 30 տարիների ընթացքում: Մենք ազգովի պետք է միավորվենք ու մեկ ընդհանուր որոշման գանք, և այդ միասնական որոշումը կյանքի կոչենք, բայց այսօրվա դրությամբ արդյոք՞ մեր ազգը միասնական է, որպեսզի կարողանա միասնական որոշումներ կայացնել՝ ոչ, մենք 30 տարիների ընթացքում ունեցել ենք շատ բացթողումներ, բայց գոնե ազգային միասնության էլեմենտներ ենք ունեցել, հիմա դա էլ չունենք, 30 տարի ունեցել ենք մեծացած հայրենիք, իսկ հիմա հերիք չի փոքրացած է, սահմաններն էլ օկուպացված են:

«Փաստինֆո»-ի հետ զրույցում նման տեսակետ է հնչեցրել քաղաքագետ Թևան Պողոսյանը

«Մենք պետք է հասկանանք, որ պատմության մեջ բոլոր ազգերն էլ ունեցել են պարտություններ, բայց կարողացել են այդ պարտությունից դասեր քաղեն, հասկանան՝ ինչ ռեսուրսներ ունեն և դրանց վրա կառուցեն իրենք վերելքը, իսկ մենք կարծես դասեր չենք քաղում, մենք մնացել ենք պարտված իշխանության ձեռքում, պարտված իշխանության օրոք անընդհատ պարտություններ ենք ունենալու, դրա համար էի ասում՝պարտված իշխանությունը ինքնակամ և գիտակցաբար պետք է հեռանա, որպեսզի հասկանանք՝ ինչ ռեսուրսներ ունենք, իսկ հայ ազգի միակ ռեսուրսը միասնությունն է, որը հիմա չուենք: Եթե այս իմաստով նայենք, որքան այս իշխանությունները մնան, ունենալու ենք նոր պարտություններ, մինչև նրանք գիտակցված կհեռանան կամ աշխարհաքաղաքական առումով իրավիճակը կհասնի այն կետին, որ փոփոխություն տեղի կունենա ու նոր հնարավորություն կբացվի մեզ համար, կօգտագերծե՞նք մենք այդ շանսը, թե ՝ո՞չ, դա այլ հարց է»,-ասաց Պողոսյանը:

Քաղաքագետի խոսքով՝ այս պահին պետք են ազգային ուժեր, որոնք ողջ ժողովրդին և կձևավորեն ազգային պետություն.

«Մարդկանց մի մասը համակերպվել է պարտությունների հետ, մի մասն էլ պայքարում է:

Իսկ հասարակությանը այն հատվածը, որը համակերպվել է կորուստներին, արդյո՞ք ստացել է քաղաքական այն մեսիջը, որով կոգևորվի, կոգեշնչվի ու կպայքարի, երբ 1988թ-ի շարժումը սկսեց, մարդիկ կային, որ Ղարաբաղի տեղը չեն իմացել, բայց եղան առաջնորդներ, ովքեր ոգեշնչեցին և տեր կանգնեցին ազգին: Հիմա էլ պետք են ազգային ուժեր, որոնք կմիավորեն ազգին և ազգային պետություն ձևավորեն, մեզ ազգային ուժեր են պետք, որ պատրաստ են պայքարի, հիմա եթե ձեր առաջնորդը պատրաստ չէ պայքարի, խուսափում է, ու տանում է պարտությունների, բնականաբար, մշտապես, պարտություններ ենք ունենալու »,-ասաց Թևան Պողոսյանը;

Աղբյուր` Փաստինֆո