Փաստ ինֆո

Մի խումբ քաղաքացիներ այսօր ակցիա են իրականացրել Հանրապետության հրապարակում, նրանք իրենց բողոքի ձայնն են բարձրացրել՝ ընդդեմ Բերձորի և Աղավնոյի հանձնմանը:

Քաղաքացիները դրոշներ և «Եղի՛ր պահանջատեր , պահանջի՛ր քո հողի վրա քո իրավունքները»,«Ազգային համախմբում. ազգ-բանակ» «Բորձորն ու Աղավոնոն մեր պետականության վերջի սկիզբն են» գրություններով պաստառներ էին պարզել.

«Մենք ուզում ենք պարտադրել, որ մեր հողերը մեզ մնան, չհանձնվեն, անհնար ոչինչ չկա, ժողովուրդը կարող է ոտքի կանգնել ու պարտադրել, որ Բերձորն ու Աղավնոն մեզ մնան, պետք է աշխարհին ցույց տանք, որ պահանջատեր ենք»,-ասաց ակցիայի մասնակիցներից Արևիկ Նիկողոսյանը:

Ակցիայի մյուս մասնակից Արթուր Սարգսյանն էլ նշեց, որ իրենց նպատակն է ժողովրդին միավորել՝ հանուն միասնական և հզոր Հայաստանի:

Քաղաքացիները նշեցին, որ նախատեսել էին իրենց ակցիան իրականցնել Կառավարության դիմաց, սակայն ոստիկանները առանց որևէ բացատրության թույլ չեն տվել այնտեղ ակցիա անել, ինչպես նաև չեն թույլատրել Արցախի և Հայաստանի դրոշները պարզել:

Աղբյուր` Փաստինֆո