Փաստ ինֆո

Մոխրի մեջ մասունք էինք փնտրում, ոչ թե ամբողջական մարմին, բայց դա էլ չենք կարողացել գտնել այն վայրում, որտեղ պետք է լիներ։ Այս մասին լրագրողների հետ զրույցում ասաց ԱԻՆ ՓԾ տնօրենի տեղակալ Հովհաննես Եմիշյանը։

«Մենք բոլոր հավանական վայրերը նայում էինք, չեիքն բացառում ոչ մի տեղ, բայց քանի որ այդ հարկից միանգամից փլուզում է եղել, նկուղի հատվածն էլ էինք նայել։ Բացի դրանից՝ քանի որ հենց այդ գտնվելու վայրում՝ պահեստային տարածքում, նաև բարձր՝ 500-1 000 ջերմաստիճան էր եղել և 20 ժամից ավել այդտեղ հրդեհաշիջում էինք անում, մոտավոր 1-1.5 մ մոխիր է եղել»,- նշեց նա՝ չբացառելով, որ քաղաքացու մարմինը մոխրացած լինի։

Այնուհանդերձ, մինչ այս պահը, Եմիշյանի խոսքով, որոնողափրկարարական աշխատանքները շարունակվում են․ «եթե անգամ 1 տոկոս հավանականություն կա նրան գտնելու, աշխատանքները չեն դադարեցվելու»։

Աղբյուր` Փաստինֆո