Փաստ ինֆո

 «Նիկոլ Փաշինյանը իշխանության եկավ դագաղներով, սեւ ժապավեններով, ողջ մարդկանց թաղումներ կազմակերպելով։  Մինչ օրս էլ նրա պաշտոնավարման յուրաքանչյուր օրը մահ է, արցունք, ողբերգություն, պատերազմ, արյուն եւ դիակապտություն»։ Այսօր տեղի ունեցած մամուլի ասուլիսում հայտարարել է ՀՀ ԱԺ նախկին պատգամավոր Նաիրա Զոհրաբյանը։

Նա մասնավորապես հիշեցրել է զանգվածային մահերի մի քանի դրվագ՝  2020թ. սեպտեմբերի 1-ին ալկոհոլային թունավորման հետեւանքով 21 մահ եղավ,  5 հազար զոհ, հաշմված զինվորներ՝ պատերազմի հետեւանքով։ «Այսօրվա դրությամբ, ունենք 118 ռազմագերի, չնայած Ալիեւ-Փաշինյանը երկյակը այսօր խոսում է ընդամենը 38 գերեվարվածի մասին, մինչդեռ Սիրանույշ Սահակյանը, որը ՄԻԵԴ-ում  մեր ներկայացուցիչն է ռազմագերիների հարցով,  պնդում է եւ ինքս էլ, որպես «Անվտանգություն եւ ժողովրդավարություն» հասարակական կազմակերպության նախագահ, ունեմ բազմաթիվ փաստական տվյալներ, տեսագրություններ 118 գերեվարվածի, անհետ կորածների մասին, որոնցով որեւէ մեկը չի զբաղվում»,- նշել է Ն. Զոհրաբյանը ու ավելացրել. «Մեկուկես տարի առաջ, հերթական էքստազի պահին,Նիկոլը  հայտարարում էր՝ «մեր որդիները  մեկ-երկու ամիս էլ հանուն հայրենիքի թող մնան Բաքվի բանտում», իսկ ռազմագերիներից մեկի ծնողներն էլ ասում էին՝ «հաշվենք, թե մեր որդիները խոպան են գնացել ու այնտեղից գումար են ուղարկում»։

Ն. Զոհրաբյանի դիտարկմամբ՝  Նիկոլի համակիրների համար Նիկոլիզմը պետական կրոն է։

«Եվ ինչպես «Եհովայի վկան» պատրաստ է, որ իր որդին զոհվի, սակայն արյան փոխներարկում թույլ չի տա, այնպես էլ նիկոլիզմը պետական կրոն ընդունող  սեկտանտը պատրաստ է զոհել հայրենիքը, Հայաստանը, Արցախը, միայն իր հոգեւոր առաջնորդը, իր գուրուն, իր հովիվը մնա։ Ինչպես նա իշխանության եկավ դագաղներով, ողջ մարդկանց թաղումներ կազմակերպելով, մինչ օրս էլ նրա պաշտոնավարման յուրաքանչյուր օրը մահ է, արցունք, ողբերգություն, պատերազմ, արյուն եւ դիակապտություն»,- ընդգծել է գործիչը։

Մանրամասները՝ տեսանյութում։

Աղբյուր` Փաստինֆո