Փաստ ինֆո

ԱՄՆ - ն մինչ այժմ չի տեսել այն բանի նշանները, որ ՉԺՀ-ն որեւէ օգնություն է ցուցաբերում Ռուսաստանին արեւմտյան պատժամիջոցների շրջանցման հարցում՝ Ուկրաինայում ՌԴ-ի կողմից իրականացվող հատուկ ռազմական գործողության համատեքստում, չորեքշաբթի հայտարարել Է Պետդեպարտամենտի պաշտոնական ներկայացուցիչ Նեդ Փրայսը:

«Մենք հստակ փոխանցել ենք Պեկինին, թե ինչպիսի հետևանքներ կունենա նման աջակցության ցուցաբերումը, սակայն առայժմ նշաններ չենք տեսել, որ Չինաստանը որևէ կերպ փոխի իր վարքագիծն այդ ուղղությամբ»,-ասել է Փրայսը կանոնավոր ճեպազրույցի ընթացքում:

ԱՄՆ վարչակազմը բազմիցս հրապարակայնորեն սպառնացել Է ՉԺՀ-ին, որ երկիրը «թանկ կվճարի», եթե օգնի Ռուսաստանին շրջանցել իր դեմ սահմանված պատժամիջոցները։ Վաշինգթոնում պնդում էին, որ տասնյակ դաշնակիցների հետ միասին «Չինաստանից բարձր գին կգանձվի», եթե վերջինս սկսի զենք մատակարարել Ռուսաստանին կամ օգնի շրջանցել պատժամիջոցները։

Ընդ որում, ԱՄՆ-ի իշխանություններն ընդգծել են, որ առայժմ նման գործողություններ չեն նկատվում, բայց ուշադիր հետեւում են պատժամիջոցների ռեժիմի պահպանմանը:

Աղբյուր` Փաստինֆո