Փաստ ինֆո

«Իմ համոզմամբ, Բերձորի հետ կապված, բացի նոյեմբերի 9-ի փաստաթղթից, կան ինչ-որ պայմանավորվածություններ, որոնք ձեռք են բերվել Նիկոլի, Ադրբեջանի եւ միգուցե նաեւ Թուրքիայի իշխանությունների միջեւ»,- այսօր տեղի ունեցած մամուլի ասուլիսում նման հայտարարությամբ է հանդես եկել քաղաքագետ Արա Վարդանյանը։

Ըստ նրա՝ դա ակնհայտ է, ինչպես նաեւ ակնհայտ է, որ ադրբեջանցիները շտապում են։
«Ռուսաստանն այս պահին լուրջ զբաղված է Ուկրաինայով եւ Ադրբեջանը փորձում է մաքսիմալ արագացնել Արցախը հայաթափելու գործնթըացը»,- նշել է նա։

Ըստ Ա.Վարդանյանի՝ նոյեմբերի 9-ի փաստաթղթով, կոնկրետ Բերձորով անցնող միջանցքը, չի հանձնվում Ադրբեջանին։

«Բերձորը, որպես շրջան, այո, այդ փաստաթղթով հանձնված է Ադրբեջանին, բայց կա 5 կիլոմետրանց միջանցք, որը պետք է մնար որպես Հայաստանը Արցախին կապող օղակ։ Թե ինչու, ով է պայմանավորվել եւ ինչպես, պարզ չէ։ Մենք ականատեսն ենք, որ Ադրբեջանը երկու տարի է, ինչ այդ ճանապարհը կառուցում է, սա փաստ է։ Իսկ հայկական կողմն ընդհանրապես այդ պրոցեսին չի պատրաստվել, որեւէ բան չի կառուցել, իսկ Արցախի իշխանությունները որեւէ բան չեն ձեռնարկել կոմունիկացիաների առումով։ Սա նշանակում է, որ կա ինչ-որ պայմանավորվածություն։ Իսկ Նիկոլի դեպքում՝ ցանկացած պայմանավորվածություն հօգուտ Հայաստանի եւ Արցախի չի եղել երբեք»,- հայտարարել է Արա Վարդանյանը՝ հույս հայտնելով, որ օգոստոսի 25-ին Բերձորն, Աղավնոն եւ մնացած այդ գյուղերը չեն հանձնվի, այլ կհետաձգվի մի քանի ամսով»։

Մանրամասները՝ տեսանյութում

Աղբյուր` Փաստինֆո