Փաստ ինֆո

Արցախյան երրորդ՝ 44-օրյա պատերազմում զոհված զինծառայողների ծնողները բողոքի ակցիա են իրականացնում՝ ՀՀ ՊՆ շենքի առջև։ Նրանք պահանջում են հանդիպել Մարտակերտի 5-րդ պաշտպանական շրջանի 4-րդ գնդի հրամանատար Պավլիկ Քյարամյանի հետ, որին մեղադրում են իրենց որդիների զոհվելու մեջ։

«Այսօր ծնողներով որոշել ենք նորից նույն պահանջով, նույն հանգամանքների պարզաբանմամբ եկել հասել ենք ՊՆ դիմաց՝ պահանջելով հանդիպում կազմակերպել հերոսածին ծնողների և գումարտակի հրամանատար Պավլիկ Քյարամյանի հետ, որը պետք է պարզաբանում տա, թե ինչ հանգամանքներում են զոհվել մեր տղաները, ովքեր են մեղավորները, ինչու նահանջի հրաման չի տրվել, ում հրամանով է գումարտակը հապճեպ հինգերորդ պաշտպանականից տեղափոխվել երկրորդ պաշտպանական։ Բոլոր հարցերի պատասխանները պետք է ստանանք, ինչքան շուտ, այնքան՝ լավ»,- նշեց որդեկորույս ծնողներից մեկը՝ հավելելով, որ մինչև իրենց հարցերի պատասխանները չստանան՝ չեն գնալու իրենց տները։

Ծնողներին վրդովվեցրել է այն փաստը, որ Պավլիկ Քյարամյանին շնորհվել է «Մարտական խաչ» առաջին աստիճանի շքանշան։

Աղբյուր` Փաստինֆո