Փաստ ինֆո

Հերթական անգամ, մենք, իբր, խաղաղության դարաշրջանի պայմաններում, ունենք զոհեր,- արձանագրել է ՀՀ ԱԺ «Հայաստան» խմբակցության պատգամավոր Արամ Վարդեւանյանը՝ նշելով, իշխանությունների վարած քաղաքականության հետեւանքով հայտնվել ենք մի իրավիճակում, երբ ապագայի նկատմամբ նվազագույն հստակության կանխատեսելիության աստիճանն էլ չունենք։

«Չի կարող այսպես շարունակվել»,- ընդգծել է նա ու ուշադրություն հրավիրել Նիկոլ Փաշինյաննի հունիսի 27-ի եւ օգոստոսի 4-ի ելույթներում առկա հակասությունների վրա։
«Երկրի թիվ մեկ պաշտոնյան հունիսի 27-ին հրավիրում է մամլո ասուլիս՝ ընդամենը մեկ լրագրողի ներկայությամբ, խոսում է Նույն նոյեմբերի 9-ի փաստաթղթի, Լաչինի, Աղավնոյի մասին, բայց չի հիշատակում, ասենք, երեկվա կառավարության նիստում հնչեցված պլանի, այդ ճանապարհի վերաբերյալ մշակման սկզբունքի մասին։ Մի բան էլ ավելին՝ հունիսի 27-ին խոսում էր, որ արդեն կա նախնական համաձայնություն։ Ի՞նչ համաձայնություն կարող է լինել, եթե երեկվա կառավարության նիստի ժամանակ հայտարարվում է, որ որեւէ թուղթ չի ստորագրվել։ Այսինքն՝, այսպես կոչված, նոյեմբերի 9-ում հիշատակված ծրագիրը, պլանը չի ստորագրվել։ Չէ՞ որ պետք է ինչ-որ կոնկրետ փաստաթուղթ ստորագրել, որ նոր լինի համաձայնություն։ Եվ դարձյալ օրվա իշխանությունները փորձում են մեղավորներ փնտրել, քանի որ չեն ուզում առերեսվել իրականության հետ, քանզի յուրաքանչյուր հայրենասեր ղեկավար չէր շարունակի ղեկավարել»,- հայտարարել է Արամ Վարդեւանյանը։
Նա միաժամանակ նկատել է, որ եռակողմ հայտարարության դրույթներից ամենակարեւորը՝ ռազմագերիների մասին դրույթը մինչ օրս չի կատարվել։
«Իսկ եթե օրվա իշխանությունը հայրենասիրություն ունենար, Հայաստանի ու Արցախի շահը սպասարկելու կամք ունենար, պատասխանատվություն կվերցներ ու կասեր, որ ոչ մի բան չի կատարվելու, չէ՞ որ դա նոյեմբերի 9-ի փաստաթղթի առանցքային դրույթներից մեկը՝ ռազմագերիների հարցը, չի լուծվել»,- նշել է Ա.Վարդեւանյանը։

Մանրամասները՝ տեսանյութում։

Աղբյուր` Փաստինֆո