Փաստ ինֆո

Ադրբեջանը նոյեմբերի 9-ի եռակողմ հայտարարությունից դուրս պահանջներ է ներկայացնում: «Փաստինֆո»-ի հետ զրույցում ասել է ռազմական հարցերով փորձագետ Հայկ Նահապետյանը՝ մեկնաբանելով Բաքվի՝ Արցախ-Հայաստան երթևեկությունը նոր երթուղով կազմակերպելու նոր պահանջը:

Փորձագետն արձանագրում է, որ Ադրբեջանի այս պահանջը չի բխում նոյեմբերի 9-ի եռակողմ հայտարարության կետերից.

«Անկախ նրանից՝ ով ինչ կասի, կողմերի համար ելման կետ է հանդիսանում առաջնահերթ նոյեմբերի 9-ի եռակողմ հայտարարությունը, իսկ այդ հայտարարության մեջ շատ հստակ գրված է, որ կողմերի համաձայնությամբ ԼՂ-ի և Հայաստանի միջև կապը ապահովելու համար առաջիկա 3 տարիների ընթացքում պետք է հաստատվի Լաչինի միջանցքի երկայնքով նոր երթուղու նախագիծ, որից հետո նոր ռուսական խաղաղապահ զորակազմը կտեղակայվի նոր երթուղին պաշտպանելու համար:Ադրբեջանը շատ բան կարող է պահանջել, միջանցք էլ է պահանջում, հիմա ինչ, տա՞նք, պետք չէ նրա ճնշումներին զոհ գնալ»,-ասաց Նահապետյանը:

Փորձագետի դիտարկմամբ՝ նման պահանջ ներկայացնելով՝ Բաքուն Ռուսաստանի հետ վերջնագրային լեզվով է խոսում ո՛չ միայն Հայաստանի, այլ նաև Ռուսաստանի հետ, ինչին ռուսական կողմը կարող է շատ կոշտ արձագանքել .

«Եթե Լաչինի միջանցքը հանձնում ես,հանձնում ես նաև Լաչինի միջանցքով անցնող գազամուղը, հոսանքի կայանները և հատուկ կապերը, ուստի ցանկացած պահի Ադրբեջանը տարբեր պատրվակով կարող է անջատել կապը, իսկ նոր ճանապարհի վրա, որն Ադրբեջանն է կառուցել, այնտեղ չկան այս ենթակառույցները, որոնք անհրաժեշտ են Արցախի մեր հայրենակիցների և ռուս խաղաղապահների կենսագործունեության համար, սա նշանակում է, որ Ադրբեջանի այս պահանջը ռուսական կողմին էլ ձեռնտու չի»,-ասաց Հայկ Նահապետյանը:

Աղբյուր` Փաստինֆո