Փաստ ինֆո

Բժիշկ-հոգեբույժ Յեն Նոտուն The Sun-ի հետ զրույցում պատմել է, որ սմարթֆոնից կախվածությունը, միաժամանակ դրան ուղեկցող անհանգստության բարձր մակարդակը նվազեցնելու համար կօգնի գաջեթի օգտագործման ժամանակի գիտակցված սահմանափակումը։

Բժիշկը նշել է՝ մշտապես կապի մեջ լինելու համար հեռախոսը ձեռքից բաց չթողնելու սովորությունից ազատվելու մատչելի միջոցները, փոխանցում է Lenta.ru-ն։

Մասնագետն ընդգծել է, որ սմարթֆոնից կախվածությունը դրսեւորվում է ոչ միայն սոցցանցերը եւ նորությունների ժապավենները անվերջ թերթելով: Շատ ավելի վտանգավոր է իրավիճակը, որում մարդը սկսում է համարել իր պարտքը միշտ լինել թվային հասանելիության մեջ եւ անմիջապես պատասխանել բոլոր մուտքային հաղորդագրություններին։ Ծանուցումների մշտական հնչյունները եւ բզզոցները կարող են դառնալ աճող անհանգստության եւ ուժեղ սթրեսի աղբյուր, վստահ է նա:

Այդ կախվածությունը նվազեցնելու համար նա խորհուրդ է տվել առաջին հերթին ոչ հրատապ եւ անձնական հաղորդագրությունների արձագանքման ժամանակային շրջանակներ սահմանել: «Սահմանեք ընկերական խմբերի, անձնական շփման եւ աշխատանքային զրույցների համար ընդունելի պատասխանի ժամկետի սահմանները: Օրինակ, պետի նամակին աշխատանքային ժամերին տեղին կլինի արձագանքել կես ժամվա ընթացքում, իսկ ընկերների հաղորդագրությանը՝ 24 ժամվա ընթացքում», — պարզաբանել է Ննատուն։

Հոգեբանի երկրորդ առաջարկությունն այն է, որ մարդիկ «հաղորդալարի» մյուս ծայրում նույնպես կարող են անհասանելի լինել, դրա համար էլ չարժե նրանցից ակնթարթային պատասխան սպասել։ Նրա խոսքով՝ ընթերցվածության կարգավիճակի մշտական ստուգումը եւ անհանգստության զգացողությունը՝ նամակին կամ հաղորդագրությանը ակնթարթային արձագանքի բացակայության պատճառով կարող է հանգեցնել նեւրոզի եւ բարձրացնել անհանգստության մակարդակը:

Ննատուն նաեւ հիշեցրել է, որ սմարթֆոնը պետք է «հեռու պահել ննջարանից եւ ճաշասենյակից»: Երեկոյան հանգստի ժամանակ ծանուցումների անջատումը եւ էկրանային ժամանակի սահմանափակումը թույլ կտան ավելի շատ ժամանակ ազատել ինքդ քո եւ հարազատների համար: Նա խորհուրդ է տվել ազատ ժամանակը լրացնել պարապմունքներով, որոնք կապված չեն հաղորդագրությունների փոխանակման կամ սոցցանցերի ժապավենը թերթելու հետ՝ զբոսանքներ, սպորտ, գրքերի ընթերցում, ընկերների հետ հանդիպումներ:

Աղբյուր` Փաստինֆո