Փաստ ինֆո

Ամերիկյան New York Post պարբերականի ընթերցողներն ԱՄՆ նախագահին մեղադրել են ստի մեջ՝ Չինաստանի առաջնորդ Սի Ցզինպինի հետ խոսելուց հետո:

Օգտատերերի բացասական արձագանքի առիթ է դարձել երկու նախագահների զրույցի մանրամասները ներկայացնելու Վաշինգտոնի մերժումը, այն դեպքում, երբ Պեկինը հայտարարել է, որ ՉԺՀ-ի նախագահն ամերիկացի գործընկերոջը նախազգուշացրել է ԱՄՆ-ի Ներկայացուցիչների պալատի խոսնակ Նենսի Փելոսիի՝ Թայվան ժամանելու դեպքում «կրակով այրվելու» վտանգի մասին:

Բացի այդ, պարբերականի տեղեկություններով, ԱՄՆ նախագահի վարչակազմը պնդում է, որ Բայդենը «Սիին սաստել է հարկադիր աշխատանքի եւ ույգուրական մահմեդականների մասնակցությամբ ցեղասպանության համար»: Իր հերթին Չինաստանը հերքել է այդ տեղեկությունը՝ հայտարարելով, որ ԱՄՆ նախագահը զրույցի ընթացքում այդ թեմաներից ոչ մեկը չի բարձրացրել:

«Ինչո՞ւ ես հավատում եմ Սիին, ոչ թե ստախոս Բայդենին։ Դա տխուր է», - խոստովանել Է օգտատերերից մեկը։

«Տխուր է սա ասել, բայց Բայդենի եւ նրա վարչակազմի ողջ ստից հետո ինֆլյացիայի, ռեցեսիայի, գազի գների վերաբերյալ, ես հակված եմ հավատալ զրույցի չինական վարկածին, այլ ոչ թե Վաշինգտոնի», — իր կարծիքն է հայտնել մեկ այլ մեկնաբան:

«Հարգելի Թայվան։ Նույնիսկ մի պահ չհամարձակվեք մտածել, որ Բայդենը ձեզ աջակցում է», - նշել է եւս մեկ ընթերցող։

«Բայդենի ամբողջ վարչակազմը արմատացած ստախոսների կոնգլոմերատ է, սկսած հենց Ջոյից», — ընդգծել է Brooklyn Kidd-ը:

«Տկարամիտ Բայդենը չգիտի, թե որ մոլորակի վրա է գտնվում, էլ չենք խոսում այն մասին, թե ինչ է տեղի ունեցել Սիի հետ հեռախոսազրույցի ժամանակ», - ամփոփել են օգտատերերը:

Աղբյուր` Փաստինֆո