Փաստ ինֆո

Իռլանդիայի նախագահ Մայքլ Հիգինսին կոչ են արել հանդես գալ հայտարարությամբ եւ պարզաբանել ուկրաինական հարցի վերաբերյալ դիրքորոշումը այն բանից հետո, երբ նրա կինը՝ Սաբինա Հիգինսը, հակասական նամակ է գրել Կիեւի եւ Մոսկվայի միջեւ հակամարտության մասին The Irish Times թերթում: Այս մասին ՌԻԱԱ Նովոստիի փոխանցմամբ՝ հայտնում է The Independent-ը։

Իռլանդիայի առաջին տիկինն ուղերձում գրում է, որ տարածաշրջանում ռազմական գործողությունները կշարունակվեն այնքան ժամանակ, քանի դեռ աշխարհը «չի համոզել Ռուսաստանի եւ Ուկրաինայի նախագահներ Վլադիմիր Պուտինին եւ Վլադիմիր Զելենսկուն համաձայնել հրադադարին եւ բանակցություններին»:

Սաբինա Հիգինսն այդ նամակով իռլանդացի խորհրդարանականների կողմից քննադատության ալիք է բարձրացրել իր հանդեպ։

Այսպես, Fianna Fail կուսակցության պատգամավոր Մալքոլմ Բիրնը «սարսափելի» է անվանել այն փաստը, որ ուղերձը հետագայում հայտնվել է Իռլանդիայի նախագահի պաշտոնական կայքում:

«Հիգգինսն իրավունք ունի իր անձնական կարծիքը հայտնել, սակայն երկրի ղեկավարի կայքում նամակը հրապարակելու որոշումը լուրջ հարցեր է առաջացնում։ Իռլանդիայի նախագահը պետք է հստակ հայտարարի՝ Ուկրաինայի ժողովրդին վճռական աջակցության մասին եւ այն մասին, որ մենք Ռուսաստանի վրա ենք դնում հակամարտության պատասխանատվությունը», — Կարծում է նա։

Իր հերթին Fine Gael կուսակցությունից սենատոր Ջոն Մաքմահոնը Twitter-ի իր էջում քննադատել է նամակը եւ այն անվանել «անտեղի, անօգուտ եւ տհաճ»:

Ինչպես նշում Է հրատարակությունը, ինքը՝ Իռլանդիայի ղեկավարը, դեռեւս մեկնաբանություններ չի տվել ստեղծված իրադրության վերաբերյալ:

Աղբյուր` Փաստինֆո