Փաստ ինֆո

Քաղաքականությունը տեխնոլոգիա է, ու եթե դու չես տիրապետում այդ մեխանիզմներին, թե ոնց ազդես հասարակության վրա, ուրեմն դու չես կարող հաջողություն ունենալ։ Այս մասին «Փաստինֆո»-ի եթերում ասել է վերլուծաբան Արգիշտի Կիվիրյանը։

Նրա խոսքով, այդ պարագայում ինչքան ուզում ես ասա հասարակությանը, որ սահմանը Հորադիզում չի, այլ Գորիսում, նույնիսկ Երևանի մատույցներում, միևնույն է, այդ հասարակությունը քո մեջ չի տեսնում այն մարդուն, որը սահմանը Գորիսից հետ կտանի Հորադիզ։

«Դրա համար հեշտ է հասարակությանը մեղադրել, թե ինչու չի համախմբվում ընդդիմության շուրջ, մի ընդդիմության, որն ամեն օր ասում է սահմանը Հորադիզից հասել է Գորիս», ասել է Կիվիրյանը։

Ըստ նրա՝ հասարակությունն իրականում թքած չունի այն պրոցեսների վրա, որոնք տեղի են ունենում ՀՀ-ի շուրջ, բայց այն որ հասարակությունը չի վստահում քաղաքական ուժերին, թող այդ ուժերն իրենց մեջ փնտրեն մեղքը։

Վերլուծաբանի խոսքով, հենց ընդդիմության շարունակական պարտություններն են, որ այս իշխանությունը դարձրեցին «մարդակեր», ու Նիկոլն ավելի է «հաբռգելու» այս ընդդիմություն շնորհիվ։

Մանրամասները՝ տեսանյութում։

Աղբյուր` Փաստինֆո