Փաստ ինֆո

Միքայել Բադալյանն ազատ արձակվեց: Դատարանի կողմից ընտրված գրավը նաեւ կիրառվեց արդեն։ Այս մասին քիչ առաջ հայտնել է փաստաբան Էրիկ Ալեքսանյանը։

 Հիշեցնենք, բլոգեր Միկա Բադալյանի նկատմամբ որպես խափանման միջոց ընտրված կալանավորումը գրավով փոխարինվել էր դեռեւս հուլիսի 22-ին՝ նկատի ունենալով առողջական վիճակի կտրուկ վատթարացումը։ Դատարանը՝ Արուսյակ Ալեքսանյանի նախագահությամբ, թույլատրելի էր համարել նրա նկատմամբ գրավի կիրառումը՝ 6 մլն դրամի չափով։ Գրավի գումարը մուծվել էր, բայց նա շարունակում էր պահվել  Հանրապետական հիվանդանոցում՝ կալանավորի կարգավիճակով:

Միքայել Բադալյանի ներքին արյունահոսություն, նախաինսուլտային վիճակ ախտորոշմամբ հուլիսի 22-ին քրեակատարողական հիմնարկից նախ տեղափոխվել էր Վաղարշապատի, ապա Երեւանի Հանրապետական հիվանդանոց։

Այսօր ավելի վաղ «Փաստինֆո»-ի հետ զրույցում «Հայրենիք» կուսակցության խորհրդի անդամ Արսեն Բաբայանը հայտնել էր, որ գրավը արդեն վճարված է, սակայն Միկա Բադալյանը դեռևս ազատ չէ, քանի որ դատավոր Աննա Դանիբեկյանը, որի վարույթում գտնվում է բուն քրեական գործը, գրավի վճարման կտրոնը դեռ չէր ուղարկել ՔԿՀ.

«Աննա Դանիբեկյանը փաստաթղթաշրջանառությունը դեռևս չի ավարտել, երբ նա բարեհաճի իր փաստաթղթաշրջանառությունն ապահովել, Միկա Բադալյանը կհայտնվի ազատության  մեջ, գրավը վճարված է, սպասում ենք, որ փաստաթղթերն ուղարկի ՔԿՀ»,-ասել էր նա:

Աղբյուր` Փաստինֆո