Փաստ ինֆո

Ծխախոտի խոշորագույն Philip Morris ընկերությունը հայտարարել է, որ մտադիր է մինչեւ տարեվերջ լքել Ռուսաստանի շուկան։ Ռուսական աղբյուրների փոխանցմամբ՝ ընկերության մասնաբաժինը Ռուսաստանում կազմում է երկրի ծխախոտային արտադրանքի 27%-ը, որոնք արտադրվում են ռուսական երկու գործարաններում՝ Լենինգրադի մարզում և Կրասնոդարի երկրամասում: Philip Morris-ի համար ռուսական շուկան իր մեծությամբ յոթերորդն է: Այնուամենայնիվ, ընկերության ներկայացուցիչն ավելի վաղ հայտարարել էր, որ ռուսական բիզնեսի դադարեցումը «ամենաբարդ գործարքն է» ընկերության պատմության մեջ:

Ընկերության ղեկավարության խոսքով՝ կազմակերպությունը նախատեսում է իր կորուստները փոխհատուցել ասիական շուկայում։ Բացի այդ՝ ակնկալում են, որ ծխախոտի արտադրանքը կկարողանա հայտնվել ամերիկյան շուկայում, որտեղ ինչ-ինչ պատճառներով դեռ ներկայացված չէ։

Նախկինում Philip Morris-ը դիտարկում էր Ռուսաստանում միայն իր բիզնեսի վերակազմակերպումը՝ ներառյալ ակտիվների փոխանցումը: Այս պահին որոշվել է աստիճանաբար կրճատել արտադրության ծավալները՝ լոգիստիկայի խաթարման պատճառով։

Աղբյուր` Փաստինֆո