Փաստ ինֆո

ՀՀ իշխանությունները անում են ամեն բան մոտ ապագայում Հայաստանը Աջարիա դարձնելու համար։ Արդեն կան բիզնեսկառույցներ, քաղաքական ուժեր, որոնք ֆինանսավորվում են, հատուկ ծառայություններն այստեղ արդեն մխրճված են։ «Փաստինֆո»-ի հաղորդմամբ՝ այսօր տեղի ունեցած մամուլի ասուլիսում նման հայտարարությամբ է հանդես եկել ռազմական փորձագետ Հայկ Նահապետյանը։

Նրա խոսքերով՝ մեր դիմաց իրական համակարգ է աշխատում, որի նպատակներից մեկն այն է, որ մեր ժողովուրդը համակերպվի պարտության հետ, երկրորդը՝ Ադրբեջանի եւ Թուրքիայի կողմից ցանկացած պարտադրանք ընդունելը եւ հաջորդը՝ Թուրքիայի եւ Ադրբեջանի հետ սահմանների բացելուց հետո պետք է այդ երկրների հետ հարաբերվենք բոլոր առումներով։

«Տեսեք՝ Աջարիան ինչից սկսեց եւ ինչի է վերածվել, այսինքն՝ Աջարիան թուրքերի կողմից խաղաղ ձեւով գրավվել է եւ ռուսները այստեղ մեծ խնդիր ունեն։ Վրաստանի իշխանությունների կեցվածքը կապված ՌԴ պատժամիջոցների հետ. ինչպե՞ս պատահեց, որ Վրաստանը ՌԴ-ի հանդեպ կոպիտ քայլեր չարեց։ Ենթադրվում է, որ Վրաստանն ակնկալիք եւ հույս ունի, որ Ռուսաստանի օգնությամբ Աջարիան կկարողանան թուրքաթափ անել, որովհետեւ նաեւ Ռուսաստանին ձեռք չի տալիս, որ Աջարիան Թուրքիայի, Արեւմուտքի եւ ՆԱՏՕ-ի համար դառնա հենակետ»,- նշել է Հայկ Նահապետյանը։

Ըստ նրա՝ Ռուսաստանը կօգտագործի իր լծակները Աջարիայում, որտեղ բնակչության հիմնական մասը իսլամ դավանող են։ «Գիտենք, որ Ռուսաստանում եւ ոչ միայն, աշխարհում հեղինակություն վայելող մարդիկ կան, որոնք մուսուլման են, ՌԴ քաղաքացի եւ նվիրյալ են այդ պետության անվտանգությանը։ Խոսքը Չեչնիայի նախագահ Կադիրովի մասին է, որը բավական լուրջ ազդեցություն ունի Աջարիայում։ Եվ Ռուսաստանը նրան որպես գործիքակազմ օգտագործելու է Աջարիան՝ թուրքերից ազատելու համար։ Հիմա մեզ տանում են Աջարիայի տարբերակով։ Մեզ համար դյուրին կլինի դրա դեմն առնել հիմա, որովհետեւ, վստահաբար, ՀՀ իշխանությունները անում են ամեն բան մոտ ապագայում Հայաստանը Աջարիա դարձնելու համար։ Արդեն կան բիզնեսկառույցներ, քաղաքական ուժեր, որոնք ֆինանսավորվում են, հատուկ ծառայություններն այստեղ արդեն մխրճված են»,- հայտարարել է բանախոսը։

Հ. Նահապետյանի կարծիքով՝ Թուրքիայում երկար տարիներ աշխատած հայերն իրենց կապիտալով, նաեւ Թուրքիայի քաղաքացի տասնյակ մարդիկ, ազգությամբ հայեր կգան Հայաստան, որոնց մի մասը Թուրքիայի հատուկ ծառայությունների նկատմամբ պարտականություններ։ «Սկզբում թուրքերը Հայաստանում իրենց քայլերն անելու են հայկական էթնոսով, այսինքն՝ Թուրքիայում աշխատած հայերի միջոցով, որոնց մեծ մասը հավաքագրված է Թուրքիայի հատուկ ծառայություններին։ Թուրքիան օգտագործելու իր բոլոր գործիքակազմը, իսկ մեր պետությունը, որքան էլ ցավալի է, կօժանդակի նրանց»,- ընդգծել է փորձագետը։

Մանրամասները՝ տեսանյութում

Աղբյուր` Փաստինֆո