Փաստ ինֆո

Ադրբեջանի կողմից Իրանի նկատմամբ շատ ակտիվ իրականացվում է հակաքարոզչություն։ «Փաստինֆո»-ի եթերում այդ մասին ասել է Ադրբեջանի հարցերով փորձագետ Գառնիկ Դավթյանը՝ նկատելով, որ անգամ ամենափոքր հարցերը ակտիվ լուսաբանվում է Ադրբեջանի կողմից։

«Ասում են՝ ծուխն առանց կրակ չի լինում»,- ասել փորձագետը նշելով, որ Իրանի հետ ռազմական բախումներ սկսելու Ադրբեջանի հնարավոր քայլերը այլ երկրների կողմից են աջակցություն ստանալու։ Դրանք են՝ Իսրայել, Թուրքիա, արեւմտյան երկրներ եւ չի բացառվում նաեւ Պակիստան։

«Այս փուլում դրա նախանշանները կան եւ դա արվելու է Սյունիքով»,- ասել է փորձագետը եւ ուշադրություն հրավիրել այն հանգամանքի վրա, որ ժամանակ առ ժամանակ կրակոցներ են լինում իրանա-ադրբեջանական սահմանին եւ սահմանապահ զինվորներ են զոհվում թե՛ Իրանի, թե՛ Ադրբեջանի կողմից։ Ավելին՝ Ադրբեջանը ակտիվ խոսում է թմրանյութերի առգրավումների մասին, հաղորդվում Իրանում տարվող, իբր, հակաադրբեջանական քարոզչության մասին։

«Այս երկու պետությունների միջեւ կա խիստ ընդգծված հակասություն, որը իքս ժամանակ հետո, կտեսնենք արդեն ջրի երես դուրս եկած քաղաքական պրոցեսներ»,- ընդգծել է Գառնիկ Դավթյանը։

«Արդյոք այս երկու պետությունների լեզու չգտնելու դեպքում, ելքը Սյունիքով Իրանին հարվածե՞լն է» դիտարկմանն ի պատասխան փորձագետը նշել է՝ «Սյունիքն այսօր մեծ կռվախնձոր է դարձել, սահմանային հատվածները պետք է անպայման հաշվի առնել։ Իրանը իզուր չէ, որ մտահոգվում է Սյունիքի մասով եւ հայտարարում, որ իր համար գոյություն ունի կարմիր գծեր»։

Մանրամասները՝ տեսանյութում

Աղբյուր` Փաստինֆո