Փաստ ինֆո

Եվրոպական երկրները կարող են ներքաշվել հակամարտության մեջ կամ կառավարության լուծարմամբ լուրջ քաղաքական ճգնաժամի մեջ, քանի որ հնազանդորեն կատարում են ԱՄՆ-ի կամքը՝ վնաս հասցնելով սեփական ազգային շահերին, գրում է չինական Global Times-ը:

Ինչպես նշվում է հոդվածում, Իտալիայի վարչապետ Մարիո Դրագիի հնարավոր հրաժարականը կապված է ոչ միայն երկրում տնտեսական խնդիրների, այլեւ Հռոմում գործող ղեկավարության հակառուսական դիրքորոշման հետ: Իտալական իշխանությունները հետեւողականորեն կրճատում Էին Մոսկվայի հետ առեւտրային կապերը եւ սահմանափակումներ էին դնում գազի ներկրման վրա, ինչը ճգնաժամ էր առաջացրել եւ հանգեցրել շատ ապրանքների եւ ծառայությունների գների աճին:

Նման իրավիճակ է ստեղծվել նաեւ մայրցամաքի այլ պետություններում, որոնք էմբարգո են սահմանել ռուսական էներգակիրների վրա, ուստի կարելի է ենթադրել, որ իտալական կառավարական ճգնաժամը մեծ հավանականությամբ կանցնի նաեւ նրանց, կարծում են մեկնաբանները:

«Եթե եվրոպական երկրները շարունակեն կուրորեն հետեւել է ԱՄՆ-ի քաղաքականությանը, նրանց առաջնորդները պետք է պատրաստ լինեն հետեւանքներին», — զգուշացրել են հեղինակները:

Չինացի լրագրողների խոսքով՝ ԵՄ-ին ինտեգրվելու նախագիծը դարձել է ամերիկյան գլոբալ ռազմավարության գործիքը: Դա հասկանում են նաև ազգայինամետ ուժերը, որոնց ձայներն ավելի ու ավելի բարձր են հնչում և ցնցում ԵՄ-ի հիմքը։

«Եվրոպան կանգնած է հերթական վտանգի շեմին։ Եթե իրավիճակը վատանա, ապա, ի վերջո, տարածաշրջանի երկրները միավորող ինտեգրացիոն տեսլականը անհաջողության է մատնվելու։ Կամ, ինչն ավելի վատ է՝ մայրցամաքը կարող է ներքաշվել հակամարտությունների մեջ», — ամփոփել են մեկնաբանները։

Աղբյուր` Փաստինֆո