Փաստ ինֆո

Աբխազիան պատրաստ է իր նավահանգիստները տրամադրել Ռուսաստանի համար «գորշ ներմուծման» կատեգորիայից ապրանքների ներմուծման համար՝ շրջանցելով Արեւմուտքի սահմանած պատժամիջոցները:

Այս մասին Աբխազիայի նախագահ Ասլան Բժանիան հայտարարել է Ուֆայում՝ Բաշկիրիայի կառավարությունում կայացած հանդիպման ժամանակ, փոխանցում է ՏԱՍՍ-ը։

Նրա խոսքով՝ Սուխումում չեն վախենում պատժամիջոցներից։ «Աբխազիան ճանաչվել է որոշ պետությունների կողմից, մեզ համար ամենակարևորը, որ մեզ ճանաչել է Ռուսաստանը։ Որեւէ պատժամիջոցային միջոցներից մենք չենք վախենում, դրանք մեր նկատմամբ երբևէ չեն վերացվել։ Ընդհակառակը, այս դժվարությունները մեզ կմերձեցնեն», - նշել է Բժանիան։

Սուխումիի ղեկավարն ընդգծել է, որ «զուգահեռ ներմուծումներ իրականացնելու համար» Աբխազիան կարող է օգտագործել իր տարանցիկ հնարավորությունները. երկու նավահանգիստ և մուտք դեպի այլ երկրներ։

ԱՄՆ-ը, ԵՄ-ն, Մեծ Բրիտանիան, ինչպես նաև մի շարք այլ երկրներ պատժամիջոցներ են սահմանել ռուս ֆիզիկական և իրավաբանական անձանց նկատմամբ Ռուսաստանի Ուկրաինա ներխուժումից հետո։
Մայիսին Ռուսաստանի Դաշնության արդյունաբերության և առևտրի նախարարությունը հրապարակեց ավելի քան 50 կատեգորիաների ապրանքների ցուցակ, որոնք հասանելի կլինեն «զուգահեռ ներմուծման» համար, այսինքն՝ ներմուծումը երկիր կկատարվի առանց արտադրողներին ծանուցելու՝ շրջանցելով պատժամիջոցները։

Ցանկում ներառված են տարատեսակ առարկաներ՝ բույսերից մինչև դեղամիջոցներ, օճառից մինչև զենք։ Վերջերս թարմացված ցուցակում ընդգրկվել են Siemens-ի տուրբինները, BMW-ի արտադրանքները և Lego Կոնստրուկտորները։

Վերջերս Միացյալ Նահանգներում կազմել են ցուցակ՝ բաղկացած 18 պետություններից, որոնք տեսականորեն потенциально կարող են օգնել Մոսկվային շրջանցել Արևմուտքի պատժամիջոցները: Դրանք են Հայաստանը, Վրաստանը, Ղազախստանը, Ղրղզստանը, Տաջիկստանը, Ուզբեկստանը, ինչպես նաև Չինաստանը, Թայվանը, Թուրքիան, Բրազիլիան, Հնդկաստանը, Իսրայելը, Մեքսիկան, Սերբիան, ԱՄԷ-ն, Հարավային Աֆրիկան, Նիկարագուան և Սինգապուրը։

Աղբյուր` Փաստինֆո