Փաստ ինֆո

Ամերիկյան իշխանությունները կարծում են, որ Իրանը կարող է փորձել մահափորձ կատարել ԱՄՆ ներկայիս կամ գործող կառավարական պաշտոնյաներից որեւէ մեկի դեմ՝ ի պատասխան 2020 թվականին Իսլամական հեղափոխության պահապանների կորպուսի հրամանատար գեներալ Քասեմ Սուլեյմանիի ոչնչացման համար, գրում է Yahoo News պորտալը՝ վկայակոչելով ամերիկյան հետախուզության հաշվետվությունը:

Սուլեյմանին, ինչպես նաեւ Իրաքի շիական աշխարհազորի փոխղեկավար Աբու Մահդի ալ Մուհանդիսը սպանվել են 2020 թվականի հունվարի 3-ի գիշերը Բաղդադի միջազգային օդանավակայանի շրջանում ԱՄՆ-ի կողմից անօդաչու սարքի կիրառմամբ իրականացված գործողության հետեւանքով: Վաշինգթոնում Սուլեյմանիին եւ Ալ Մուհանդիսին մասնակից են համարում 2019 թվականի դեկտեմբերի 31-ին Բաղդադում ԱՄՆ դեսպանատան վրա հարձակման կազմակերպմանը:

Ինչպես նշվում է փաստաթղթում, Վաշինգտոնի ներկայացուցիչների կարծիքով՝ Սուլեյմանիի սպանությունից 2,5 տարի անց Թեհրանի կողմից «վրեժխնդրության» սպառնալիքը նախկինի պես մնում է բարձր մակարդակի վրա։

«Իրանի կառավարությունը բազմապլանային արշավ է անցկացնում, որը ներառում է սպանությունների սպառնալիքները, առանձին ամերիկացի պաշտոնյաների նկատմամբ ձերբակալման եւ պատժամիջոցների օրդերների տրամադրումը, որպեսզի վրեժխնդիր լինի ԻՀՊԿ - ի հրամանատար Սուլեյմանիի մահվան համար 2020 թվականին՝ իր երկրում եւ նրա սահմաններից դուրս սպառնալով նրանց, ում Թեհրանը պատասխանատու է համարում սպանության համար», - նշվում է հետախուզության զեկույցում:

Փաստաթղթից նաեւ հետեւում է, որ «2021 թվականի հունվարից Թեհրանը հրապարակավ հայտարարել է ԱՄՆ-ի տարածքում մահաբեր գործողություններ կատարելու պատրաստակամության մասին» եւ, իբր, անվանարկել է Վաշինգթոնի առաջին դեմքերին՝ որպես վրեժխնդրության ակտի համար գերակա թիրախներ:

«Իրանը, հավանաբար, որպես վրեժխնդրության հաջող ակտ կգնահատի ամերիկացի պաշտոնյաներից մեկի սպանությունը կամ դատական հետապնդումը, որին նա հավասար կհամարի Սուլեյմանիի կարգավիճակին եւ կոչմանը, եւ որը, նրա կարծիքով, պատասխանատվություն է կրում նրա մահվան համար», - կարծում են ԱՄՆ-ի հետախուզական վարչությունում:

Աղբյուր` Փաստինֆո