Փաստ ինֆո

Շվեյցարիայի իշխանությունների արձագանքը Ուկրաինայում ռուսական հատուկ գործողությանը չափավոր էր, սակայն այժմ ՌԴ-ն՝ հակամարտության խաղաղ կարգավորման համար օգնության կդիմի ավելի շուտ Թուրքիային, քան Շվեյցարիային, հայտարարել Է Համադաշնության նախագահ Ինյացիո Կասիսը NZZ am Sonntag պարբերականին տված հարցազրույցում։

Պատասխանելով լրագրողի այն նկատառմանը, որ Ռուսաստանը հայտարարել է Ժնեւում բանակցություններ չվարելու մասին, մասնավորապես՝ Սիրիայի հարցով, Կասիսը Մոսկվայի այդ դիրքորոշումը կապել Է Բեռնի կողմից պատժամիջոցների սահմանման հետ:

«Մենք պետք է ակնկալեինք, որ Ռուսաստանը կասկածի տակ կդնի Ժնևի և Շվեյցարիայի չեզոքությունը, և որ դիվանագիտական հարաբերությունները սառելու են», - նշել է նա:

Կասիսը դժվարացել է պատասխանել այն հարցին, թե հնարավոր է արդյո՞ք Շվեյցարիայում անցկացնել Ուկրաինայի իրադրության կարգավորման շուրջ բանակցություններ ներկա պայմաններում եւ հավելել է, որ այդ հարցում Ռուսաստանը, ամենայն հավանականությամբ, կդիմի Թուրքիային:

«Արևմտյան այլ երկրների հետ համեմատած՝ Շվեյցարիայի արձագանքը (ռուսական հատուկ օպերացիային) դեռևս չափավոր է։ Ի տարբերություն Գերմանիայի, օրինակ, մենք ոչ մի դիվանագետի չենք վտարել։ Մենք խուսանավում ենք այնտեղ, որտեղ կարող ենք իրավիճակը փոխել։ Այնուամենայնիվ, ներկայումս Ռուսաստանը, ամենայն հավանականությամբ, խաղաղ ջանքերի համար կդիմի ավելի շուտ Թուրքիային, քան Շվեյցարիային։ Եվ մենք աջակցում ենք Թուրքիային», - ասել է Շվեյցարիայի նախագահը։

Աղբյուր` Փաստինֆո