Փաստ ինֆո

Երևանի ընդհանուր իրավասության դատարանում՝ դատավոր Արուսյակ Ալեքսանյանի նախագահությամբ, շարունկավում է հասարակական-քաղաքական գործիչ Ավետիք Չալաբյանի նկատմամբ ընտրված խափանման միջոց կալանավորման ժամկետը ևս երկու ամսով երկարացնելու մասին միջնորդության քննությունը:

Թեև գործը դեռևս չի ուղարկվել դատարան՝ ըստ էության քննության՝ դատական նիստն ընթանում է դռնբաց ռեժիմով՝ պաշտպանության կողմի միջնորդության հիման վրա:

«Փաստինֆո»-ի թղթակցի հաղորդմամբ՝ մինչ կալանավորման միջնորդության քննությանն անցնելը՝ պաշտպան Վարազդատ Հարությունյանը միջնորդություն ներկայացրեց դատարան՝ ինքնաբացարի հայտնելու վերաբերյալ: Պաշտպանը տեղեկացրեց, որ նախաքննության ավարտ հայտարարելուց հետո հուլիսի 1-ին քննիչին միջնորդել են՝ քննչական գործողություններ իրականացնել՝ առնվազն վերաորակելով Չալաբյանին մեղսագրվող արարքը՝ պայմանավորված ՀՀ նոր քրեական օրենսգրքի ուժիւ մեջ մտնելը, սակայն քննիչը առանց քննության էր թողել միջնորդությունը, ինչից հետո քննիչը գործն ուղարկել էր դատավարական հեսկղություն իրականացնող դատախազին՝ մեղադրական եզրակացությունը հաստատելու և գործը դատարան ուղարկելու համար, սակայն դատախազը գործը վերադարձրել է քննիչին՝ պահանջելով գտործողություններ իրականացնել և վերաորակել արարքը: Քննիչը, առանց վերաորակելու արարքը, հուլիսի 8-ին ներկայացել էր դատարան՝ Չալաբյանի կալանավորման ժամկետը երկարացնելու միջնորդության քննությանը և պաշտպանության կողմի մոտ տպավորություն էր ստեղծվել, որ նախագահող դատավորը հուշում էր քննիչին՝ նիստը հետաձգելու և մեղադրանքը նոր քրեական օրենսգրքին համապատասխանեցնելու համար քննչական գորևծողություններ կատարելու անհրաժեշտության մասին: Ավետիք Չալաբյանը հայտարարությամբ հանդես եկավ՝ նշելով, որ կալանավորման միջնորդությունը ներկայացվել է ժամկետների խախտմամբ և ամբողջովին ապօրինի է, որովհետև հղում էր կատարվում գոյություն չունեցող քրեական օրենսգրքի հոդվածին, ավելին՝ Չալաբյանի համար զարմանալի էր, որ դատավորն ի սկզվբանե ընդունել է միջնորդություն՝ ժամկետնբերի խախտմամբ և ապօրինի, նույնիսկ՝ հնարավորություն է տվել վարույթն իրականացնող մարմնին ապօրինի միջնորդությունը փորձել սղագրել:

Լսելով կողմերի դիրքորոշումը՝ դատարանը խորհրդակցական սենյակում որոշում է կայացրել՝ միջնորդությունը մերժելու մասին: Այժմ դատարանը քննում է կալանավորման ժամկետը երկարացնելու միջնորդությունը:

Հիշեցնենք, որ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում հարուցվել է քրեական գործ՝ ընդդիմության հավաքներին Հայաստանի ազգային ագրարային համալսարանի ուսանողների մասնակցության դիմաց նույն համալսարանի ուսանողական խորհրդի նախագահին նյութապես շահագրգռելու դեպքի առթիվ: Ենթադրյալ դեպքի վերաբերյալ 2022 թվականի մայիսի 9-ին լրատվական կայքերից մեկում ձայնագրություն է հրապարակվել՝ «1000 դրամ յուրաքանչյուր ուսանողի համար, Ագրարային համալսարանի դասախոսը դրդում է ուսխորհրդի նախագահին գումարի դիմաց կազմակերպել, որպեսզի ուսանողները մասնակցեն ընդդիմության հավաքներին՝ յուրաքանչյուր ուսանողի դիմաց առաջարկելով 1000 դրամ» վերտառությամբ:

Ըստ ՔԿ-ի՝ քաղաքական ընդդիմության կողմից կազմակերպվող հավաքներին մասնակցելու և որոշակի գործողություններ կատարելու դիմաց Հայաստանի ազգային ագրարային համալսարանի ուսանողական խորհրդի նախագահին նյութապես շահագրգռել են՝ առաջարկելով երկու հազար ուսանողի հավաքներին ներգրավելու դիմաց տրամադրել 2.000.000 ՀՀ դրամ գումար:

ՔԿ-ն հուլիսի 6-ին հաղորդագրություն էր տարածել՝ նախաքննության ավարտ հայտարարելու մասին, սակայն դատախազը չի հաստատել մեղադրական եզրակացությունը և գործի նյութերը վեևադարձրել է նախաքննական մարմին՝ նախաքննությունը շարունակելու ցուցումով:

Հեղինակ՝ Իզաբել Սահակյան

Աղբյուր` Փաստինֆո