Փաստ ինֆո

Չեմ կարծում, որ իրավապահ համակարգում այնպիսի թասիբով տղերք կան, որ Նիկոլ Փաշինյանին պատասխանատվության ենթարկեն։ Այս մասին լրագրողների հետ զրույցում ասաց զոհված զինծառայողի հայր Գարիկ Գալեյանը։

Ինչպես արդեն տեղեկացրել ենք՝ զոհված զինծառայողների ծնողներն արդեն տևական ժամանակ է, ինչ պահանջում են քրեական գործը ՔԿ-ից տեղափոխել ԱԱԾ։ Ծնողներն այսօր բողոքի ակցիա են իրականացնում գլխավոր դատախազության շենքի մոտ՝ պատասխաններ պահանջելով։

«Եկել ենք տեսնելու՝ ինչ է արել։ Կարծում եմ՝ ծնողներին չի էլ ընդունելու, քանի որ ինքն արդեն ոչինչ է, գլխավոր դատախազն արդեն ոչնչություն է, իրեն ասել են՝ էս մի ամիսը գնա-արի, քո ժամանակը լրանում է, քո գլխու որոշումներ չես կարող կայացնել։ Պառկած է Նիկոլի տակը կամ էլ վզին դրած է։ Եթե Ջհանգիրյանն ասաց, որ վզին դրած է, մինչև հիմա բացահայտված չէ, նույնն էլ՝ իրեն են արել։ Ցավալին այն է, որ այս երկրում, իրավապահ համակարգում այնքան անպատժելիություն է տիրում, տեղեկանում ենք, որ Արգիշտի Քյարամյանին էլ գեներալ են շնորհում, ինչի՞ համար։ Լա՞վ ծառայություն է մատուցում Նիկոլի համար, պատերազմից առաջ ծառայություն մատուցեց՝ որպես ԱԱԾ տնօրեն, թուրքերին լցրեց երկրում, ճանապարհ տվեցին, անձնագրեր բաժանեցին, հետո էլ՝ հանեց բերեց ՔԿ պետ, որ տղերքի գործը ծածկադմփոց անեն»,- նշեց Գարիկ Գալեյանը։

Անդրադառնալով ՀՀ գլխավոր դատախազ Աննա Վարդապետյանի նշանակմանը՝ Գալեյանը նշեց, որ, եթե այս պահին գլխավոր դատախազը տղամարդ է և ինքն արժանիք չունի, տղամարդկություն չունի. Աննա Վարդապետյանն ի՞նչ պետք է անի. «Նիկոլի անձնական տրյապկան է, ոնց որ՝ սա»։

Գալեյանը հույս հայտնեց, որ ԱԱԾ-ում կգտնվեն զտարյուն հայեր, եթե տղաների գործը գնա ԱԱԾ, ծնողները մինչև վերջ պայքարելու են, այնտեղից որևէ տեղ չեն գնալու։
«Իրենք ժամանակավոր են, իրենք չանեն, ծնողներս՝ մեզ համար քրեական դատավարության օրենսգիրք կստեղծենք ու կպատժենք»,-նշեց նա։
Գալեյանը նշեց՝ չի կարծում, որ այս իրավապահ համակարգում կլինեն այնպիսի թասիբով տղերք, որ Նիկոլ Փաշինյանին բերեն պատասխանատվության, որովհետև բոլորի վզին դրել է Նիկոլը, Աննան, հիմա էլ՝ բոլորին գեներալի կոչում են տալիս։
«Հաստատ պատասխան են տալու։ Ես չեմ թողնելու որդուս արյունը՝ հենց այդպես»,- նշեց նա։

Աղբյուր` Փաստինֆո