Փաստ ինֆո

ՀՀ Գլխավոր դատախազի թեկնածու Աննա Վարդապետյանը հայտարարեց, որ 2020թ-ին վարչապետից հանձնարարական է ստացել ուսումնասիրել 2008թ-ից սկսած ոչ մարտական պայմաններում զոհված զինծառայողների 8 դեպքերով հարուցված գործերը և վարչապետին տալ իրավաբանորեն օբյեկտիվ կարծիք։ Այս մասին ԱԺ-ում իր ելույթի ժամանակ ասաց Գլխավոր դատախազի միակ թեկնածու Աննա Վարդապետյանը։

«Պետք էր հասկանալ, որ այս մարդիկ, որ տարիներ շարունակ բողոքում են նախաքննությունից, ասում են, որ անարդարություն է եղել, ի վերջո, կա՞ն իրավաբանական հիմքեր նրանց ասածի մեջ, թե կա՞ր արդարության պակասի էմոցիոնալ ընկալումը: Վարչապետի որոշմամբ՝ աշխատանքային խումբ ստեղծվեց, որը սկսեց խորհրդատվական եզրակացություններ կազմել բոլոր գործերի վերաբերյալ, այս վերլուծությունը դարձավ մոտ 150 էջ: Խորհրդատվական այս գործերը, որոնց մասին մարդիկ տարիներ շարունակ խոսում էին քաղաքական հարթակներից, մենք վերածեցինք իրավական գնահատականների և թույլ տվեցինք, որ նախաքննությունը նոր աչքով նայի այս գործերին։ Սևազգեստ մայրերի 4 գործերի ուսումնասիրությունը ինձ հույս ներշնչեց, որ անգամ 15 տարի վաղեմության գործով ունեցել ենք նախաքննության բացթողում կամ ունեցել ենք օբյեկտիվորեն անհնար բացահայտվող գործ, բայց այդ հարցը կարող է ունենալ պատասխան։ Այսինքն չի լինի վերք, որը տարիներ շարունակ արնահոսել է և չի լինի արդարադատություն, որը մենք չենք իրականացրել, բայց ուղարկել ենք Ստրասբուրգ»,- ասաց Վարդապետյանը։

Աղբյուր` Փաստինֆո