Փաստ ինֆո

«ի՞նչ են անելու այս դատավորները Նիկոլ Փաշինյանի գնալուց, հեռանալուց կամ մահանալուց հետո։ Ես չգիտեմ ինչ ճակատագիր է իրեն սպասվում։ Փախչելո՞ւ են Հայաստանից։ Չէ՞ որ հետո պիտի նայեն մեր աչքերին»,-հայտարարել է զոհված զինծառայողի մայր Կարին Տոնոյանը, որը պահանջում է քրեական գործ հարուցել Նիկոլ Փաշինյանի կողմից պետական դավաճանություն կատարելու դեպքի առթիվ։

Նահատակված հերոսի մայրը վրդովված էր թե իրենց նկատմամբ տարբեր դատաքննչական մարմինների վերաբերմունքից, թե հասարակության անտարբերությունից՝ երկրի անվտանգության նկատմամբ։

Օրեր առաջ ծնողների նկատմամբ խիստ անհարգալից վերաբերմունք էր դրսեւորել նաեւ ՔԿ նախագահ Արգիշտի Քյարամյանը։ Լրագրողի այն հարցին, թե արդյոք դիմել են նրան պատասխանատվության ենթարկելու համար Կ. Տոնոյանն արձագանքել է.

«Արգիշտի Քյարամյանի հետ կապված, դիմել ենք, որ նա պատժվի, բայց, եթե, ասենք, իրեն առավելագույնը տան, դա կլինի կարգապահական տույժը։ Բայց խնդիրն անձերը չեն, խնդիրն այն է, որ մեր իշխանությունը զավթված է մարդկանց կողմից, այսինքն պետական բարձ պաշտոններ զբաղեցնում են մարդիկ, որոնք ի վիճակի չեն նույնիսկ իրենց պահել որպես պաշտոնյաներ։ Սա ասում եմ մեծ ցավով , որովհետեւ իրենց պահվածքը հենց լավագույն արտացոլանքն է, թե ինչ վիճակում է գտնվում մեր երկիրը։ Եթե պետական պաշտոնյան չի կարողանում իր էմոցիաները կառավարել, ապա ինչպես է կարողանում երկիր կառավարել կամ ընդհանրապես պետական հարցեր լուծել։ Սա լավագույն ապացույցն է, որ մեր երկիրը գտնվում է սխալ մարդկանց ձեռքին եւ գլորվում է անդունդը։ Ուր կհասնի, իրոք, չգիտեմ»։

Մանրամասները՝ տեսանյութում

Աղբյուր` Փաստինֆո