Փաստ ինֆո

2018 թ. Նիկոլ Փաշինյանին իշխանության բերել են երկու խնդրի լուծման համար։ Այսօր տեղի ունեցած մամուլի ասուլիսում հայտարարել է ՀՀԿ ԳՄ անդամ Էդուարդ Շարմազանովը։ Ըստ նրա՝ առաջնային խնդիրը եղել է՝ Արցախի հանձնումը, ազգային արժեքների, ազգային ինստիտուտների քայքայումը, իսկ երկրորդը՝ Հայաստանի արտաքին քաղաքականության վեկտորի փոփոխություն։

«Նա իր երեկվա զաչոտը՝ ՆԱՏՕ-ական եւ թուրք-ադրբեջանական պատվիրատուների մոտ, ստացավ։ Նա ասաց, որ շեֆ «все по плану идет», հերթով հանձնելով գնում եմ, հիմա էլ հանձնելու եմ Բերձորն ու Աղավնոն, ռուսներն են մեղավոր գերիների հարցում եւ այդպես շարունակ»,- նշել է Շարմազանովը՝ ավելացնելով, որ Փաշինյանը Հայաստանը տանում է հերթական կապիտուլյացիայի։

«Երեկ ինքը երեք վատ լուր հաղորդեց. Այն, որ Արցախը հանձնվում է, դա գիտենք, եւ հիման ժամանակն է, որ Արցախի իշխանությունները, Արայիկ Հարությունյան անուն-ազգանունով Արցախի նախագահի աթոռին բազմած անձը հստակ ասի՝ համաձա՞յն է երեկ ասուլիսում Նիկոլի հնչեցրած գնահատականներին հետ, թե՞ ոչ։ Ինքն համաձայն է, որ ԼՂՄ-ից դուրս տարածքները, այդ թվում՝ Բերձորն ու Աղավնոն հանձնվելու են Ադրբեջանին ու արդեն կա գաղտնի պայմանավորվածություն, նա դրան ինչպե՞ս է վերաբերվում»,- ասել է Շարմազանովը՝ կոչ անելով Արցախի քաղաքական ուժերին՝ քաղաքական գնահատական պահանջել՝ Արցախի նախագահի աթոռը զբաղեցնող անձից արդյոք համամի՞տ է Նիկոլի այս կարծիքի հետ։ «Արցախի թիվ մեկ սպառնալիքը եւ թշնամին Թուրքիայից ու Ադրբեջանից հետո այս կապիտուլյանտ ռեժիմն է»,- շեշտել է բանախոսը։

Հաջորդ վատ լուրը, ըստ նրա, խաղաղության օրակարգի ձախողման մասին հայտարարությունն էր։

«Նիկոլ Փաշինյան անուն-ազգանունով անձնավորությունը, հիշո՞ւմ եք, երբ առանց թուղթ ու գրչի, 2020թ. դեկտեմբերի 18-ին հանձնեց Սյունիքի մի շարք տարածքներ, ասում էր, որ բանավոր պայմանավորվածության համաձայն են հանձնում։ Երբ ընդդիմադիր պատգամավորները հարցնում էին՝ ի՞նչ իրավունքով, սա նոյեմբերի 9-ի արձանագրության մեջ նախատեսված չէ, ի՞նչ հողեր ես հանձնում։ Պատասխանեց, թե՝ այլընտրանքը պատերազմն է, հանձնեցի, որ պատերազմ չլիներ։
Հայ ժողովուրդ, այ այսպես պատերազմով վախեցնելով, հերթով հողերը տալիս է։ Դե, ասում է՝ տալիս եմ, որ պատերազմ չլինի, իսկ երեկվա ասուլիսում ասում է, որ Ադրբեջանը պատճառ է ման գալիս ՝լեգիտիմ պատերազմ սկսելու համար։ Ուրեմն եթե Ադրբեջանը պատճառ է ման գալիս պատերազմ սկսելու համար, ապա ինչո՞ւ էիր բաժակ չխկացնում Ալիեւի հետ, ինչո՞ւ էիր ստորագրություն դնում»,- նշել է Շարմազանովը՝ նկատելով, որ այս պահին խաղարկվում է նույն սցենարն է, ինչ եղել է 2020թ. նոյեմբերյան 44-օրյա պատերազմից առաջ»։

Մանրամասները՝ տեսանյութում։

Աղբյուր` Փաստինֆո