Փաստ ինֆո

Եփել կարողանալը, իհարկե, լավ է,սակայն հաջողության գրավականը չէ։ Մենք կպատմենք, թե իրականում ինչի կարիք ունի ձեր սիրելի տղամարդը:

Ինքն իրեն հերոս զգալը

Փոքրիկ տղա, անպաշտպան փիսիկ, ծաղիկ նա բավականաչափ եղել է արդեն իր մոր աչքերում, այժմ նա մեծացել է եւ երազում է լինել ուժեղ։ Այո, ուժեղ լինելը տղամարդու համար նորմալ է, նույնիսկ անտեսելով «նվնվալու կարիքը, կյանքից բողոքելը, այստեղ է ցավում, այնտեղ է ցավում, ջերմությունը 36,9 է՝ փրկեք, օգնեք» իրավիճակներում: Հավատացեք, դա բացառություններ են, մնացած բոլոր ժամանակները տղամարդը պետք է վստահ լինի, որ դուք հիանում եք նրանով: Նույնիսկ եթե նա գիտի, որ նա ուժեղ է, ի՞նչ իմաստ ունի դա, երբ կասկածում եք դուք:

Հարաբերություններ առանց վիրավորվածության

Նա չի փակում ատամի մածուկը, թափում է իրերն ու երբեք չի լվանում ափսեները։ Եվ ահա, խնդրեմ, դուք արդեն հասցրել եք նեղանալ, բղավել նրա վրա կամ նույնիսկ լաց լինել։ Իզուր։ Նախ, որքան էլ տարօրինակ հնչի, առավել հաճախ տղամարդը չի հասկանում, թե ինչն է ձեզ կոնկրետ վիրավորել եւ, ամենայն հավանականությամբ, կարծում է, որ դուք բարկանում եք, քանի որ նա ամբողջովինանհաջողակ է:

Չմնալ չիմացության մեջ

Բոլոր տղամարդիկ համոզված են․ յուրաքանչյուր կին ցանկանում է ամուսնանալ, իսկ եթե նա չի ուզում ամուսնանալ կոնկրետ իր հետ, նշանակում է, որ նա պատրաստվում է ամուսնանալ մեկ ուրիշի հետ։ Եվ այսպես ամեն ինչում է՝ տղամարդը պետք է իմանա այն ամենը, ինչ իր հասկացողության սահմաններում է, և նույնիսկ ավելին։ Ի դեպ, դա չի նշանակում, որ դուք պետք է պատմեք ամեն ինչ մի շնչով։ Խոսեք գլխավորի մասին, մի թաքցրեք ձեր զգացմունքները, տղամարդիկ կարող են մեզանից շատ ավելի լավ հորինել։

Ունենալ սեփական կյանք

Անձնական տարածությունը պետք է գրեթե բոլոր ինքնաբավ մարդկանց։ Դա նորմալ է։ Ընկերների հետ բար գնալ, ուրբաթ երեկոյան հանգստանալ դատարկ սենյակում, առանց ստիպված լինելու կրկին ու կրկին որոշել, թե ինչ գույն է ներկել պատերը, եւ պարզապես, ի վերջո, մենակ մնալ: Դրանում, հավատացեք, բացարձակապես ոչ մի սարսափելի բան չկա։

Բացի այդ, անձնական տարածություն անհրաժեշտ է նաև ձեզ։ Քանի որ, եթե դուք չունեք որեւէ սեփական բան, ապա ձեր հարաբերությունները «կանգնած են մի ոտքի վրա»։

Հավատարմություն

Տղամարդու համար կնոջ սիրո գրավականը նրա հավատարմությունն է։ Եթե կինը սիրում է, նա հավատարիմ է, նա չի կարող պատկերացնել իրեն ուրիշի հետ, քանի որ այս մյուսը պարզապես իրեն պետք չէ: Ուժեղ սեռի ներկայացուցիչները, ինչպես էլ իրենք իրենց ներկայացնեն, բնույթով սեփականատեր են, իսկ դա նշանակում է ավելի վատ բան, քան ինչ-որ մեկի հետ կիսել «սեփականը», նրանց համար լինել չի կարող։ Եղեք հավատարիմ ձեր տղամարդուն, և նա կպատասխանի ձեզ նույնությամբ, նա ձեզ համար սարեր շուռ կտա։

Սեքս

Այս ճշմարտությունը հին է, ինչպես աշխարհը։ Եթե զույգի միջեւ սեքս չկա, ապա, փաստորեն, չկա նաեւ զույգը: Եթե միայն դա գիտակցված եւ միասին կայացրած որոշում չէ։

Աղբյուր` Փաստինֆո