Փաստ ինֆո

Մոսկվայում կարծում են, որ բրիտանական իշխանությունները պետք է Լոնդոնում Ուկրաինայի դեսպանատնից պահանջեն բացատրություններ տալ՝ Ուկրաինայում ռազմական գործողություններին մասնակցելու համար Միացյալ Թագավորության հպատակների հավաքագրման վերաբերյալ, նախքան ԴԺՀ-ում երկու բրիտանացիների մահվան դատավճռի պատճառով Ռուսաստանի հասցեին սպառնալից մեկնաբանություններ հնչեցնելը, հաղորդել Է ՌԻԱ Նովոստին։

«Իսկ նրանք հարց տվե՞լ են, թե ինչ թվով հայտեր է ստացել Լոնդոնում Ուկրաինայի դեսպանատունը վարձկանների հավաքագրման համար, այսպես կոչված, բրիտանացիների կամավորների շրջանում։ Գուցե նրանք պետք է հետաքրքրվեն, թե ի՞նչ թվով հպատակների են նրանք ձևակերպել այնտեղ։ Ո՞չ, չեն հետաքրքրվե՞լ: Դե թող հետաքրքրվեն», - «Կիրակնօրյա երեկո» հաղորդման եթերում ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Մեծ Բրիտանիան, Գերմանիան, ԱՄՆ-ն եւ այլ երկրներ, որոնք հանկարծ կիմանան, որ իրենց հպատակները գտնվում են գերության մեջ, կալանքի տակ, կամ ինչ - որ բան նրանց հետ տեղի է ունեցել այնտեղ, թող նրանք նախ ճշտեն իրենց տարածքում ուկրաինական դեսպանատների գործունեությունն ու գործունեության չափանիշները», - հավելել է նա:

Զախարովայի խոսքով, երբ Մոսկվան արեւմտյան երկրների առջեւ նման հարց է դրել, «պատասխանը շատ հստակ էր. նրանք (ուկրաինական դիվանագիտական առաքելությունները) զբաղվում են նորմալ աշխատանքով, ոչ մի հակասություն չկա»: «Դե, եթե նրանք նորմալ աշխատանքով են զբաղվում ձեր քաղաքացիներին հավաքագրելով և նրանց այնտեղ ուղարկելով, ուրիշ ի՞նչ հարցեր կարող են լինել։ Չէ որ դուք ինքներդ եք դրան նպաստել», - եզրափակել Է Զախարովան:

Աղբյուր` Փաստինֆո