Փաստ ինֆո

Նրանք տարբեր ռանգի են, տարբեր մաշկի գույն ունեն, տարբեր է նրանց կրթական ցենզը, տարիքը, սակայն նրանցից ոչ մեկին չի կարելի համարել պրոֆեսիոնալ, քանզի եթե անգամ այն առկա էր, իրենք հեշտորեն դարձրել են փալաս՝ սատանայի ոտքերի տակ։ Իսկ վերջինս այն տրորել ու տրորել է բազմապատիկ։ Ընդ որում, ոչ մի կապ չունի՝ փաստաբանների գիտական կոչումները։ Նրանք բոլորը՝ այդուհետ դառնում են սատանայի կամակատարները։

Հին ՀՀՇ-ական ջրաղացից՝ Սատանային իր հոգևոր հորից փոխանցված՝սույն կարևոր փաստաբանը՝ կյանքի գնով ՝ թեկուզ որպես պաշտոնակատար՝ ԲԴԽ նախագահի աթոռին բազմածը, երբ « մի կտոր հացի սեղանի շուրջ» շատ է անկեղծանում՝ ասում է, թե ինքն անգամ «նախագահ է կառավարել»։ Ասել կուզի՝ ներկա վարչապետն ո՞վ դարձավ, որ չկառավարեմ։

Իհարկե, վերջինս ճիշտ է ասում, քանի որ նորանկախ պետության ընտրակեղծարարության «հայր»-ն է, երկիրը բնականոն ռելսերից օրինականության հունից շեղած հիմնական մեղավորներից՝ մեկը։ Այ, որ սատանայի մեկ-երկու ուսապարկ նրա զինդատախազ աշխատած տարիներին՝ բանակ զորակոչվեին, պատկերն այլ կլիներ․․․

Կամ՝ ո՞վ չգիտի՝ Վազգեն Մանուկյանն էր 1996-ին ընտրված նախագահը, սակայն Տեր-Պետրոսյանին բազմաթիվ կեղծիքների գնով նախագահի աթոռին բազմեցնողների մեջ՝ էականը այս ընտրակեղծարարն էր՝ Գագիկ Ջհանգիրյանը, որ «մեր դեմ խաղ չկա», «100 տոկոսով էլ՝ Վազգենն անցնի՝ Լևոնն է լինելու»՝ ասողներին հիմք տվողը։

Ի դեպ, այն ժամանակ ասում էին, թե՝ Տեր-Պետրոսյանը հենց Ջհանգիրյանին էր խոստացել արդարադատության նախարար կարգել, սակայն, շատերն էին զարմացել, որ մուրազը փորում թողեց՝ արդարադատության երկու փոխնախարարներից նախապատվությունը անսպասելիորեն տալով մեկ ուրիշի։ /Մարատ Ալեքսանյանին՝ ցավոք, կյանքից վաղ հեռացած/։

2008-ին՝ չհաջողած, սակայն՝ 2018-ից ի վեր աստվածային մեր երկիրը սատանայի տիրապետությանը հանձնող մեկն է սատանայի փաստաբան Գագիկ Ջհանգիրյանը, ով ինքնախոստովանական ցուցմունք է տվել, թե՝ «վզիս դրել են»։ Նկատի ունի՝ իրավական ոլորտը։ Այստեղ են ասել՝ վայ էն իրավական ոլորտին, որի «կարգավորողն ու բարեփոխիչը» Գագիկ Ջհանգիրյանն է։

Այնպես որ, նրանք, ովքեր Ջհանգիրյանի հետ հույսեր են կապել, թե՝ օտարահունչ «վեթթինգ»-ը ուր որ է կգա և բոլոր անարդար դատավորներն արդար կդառնան, դատախազներն էլ՝ պետության շահից կարևոր շահ չեն ունենա, սին հույսեր չունենան։ Սատանայի սույն փաստաբանը՝ Գագիկ Վրեժովիչը սատանայից հետ չմնալով՝ եկել է ի՛ր վրեժը լուծելու։ Ո՛չ միայն կոնկրետ անձանցից, ո՛չ միայն նախորդիվ ձևավորված մասնագիտական ինստիտուցիոնալ կառույցներից, այլև՝ Հայաստանի 3-րդ Հանրապետությունից։

Եվ քայլ առ քայլ՝ ապօրինությունների առջև կանգ չառնելով նա գնում է առաջ։

ԲԴԽ նախագահի լիազորությունները զավթած Գագիկ Ջհանգիրյանը սատանայի հրահանգով հանդիպելով Վճռաբեկ դատարանի դատավորների հետ՝ նրանց «պարտադիր-կամավոր» սկզբունքով առաջարկ արեց՝իշխանության համար ոչ ցանկալիները կամավոր դիմում գրեն ու գնան թոշակի։ Ճիշտ նույն կերպ՝ ՍԴ-ի դեպքում էր վարվել՝ սպառնալով՝ եթե դատավորները չընդունեն իրենց առաջարկը, ապա՝ հետևանքները վատ կլինեն։

Արդյո՞ք զարմանալի է վերջին օրերին Վարդազարյան-Ջհանգիրյան՝ գաղտնի արված ձայնագրության մեջ սատանայի փաստաբանի հայհոյական, ընդհանրապես, դասախոսին ոչ հարիր՝ լեքսիկոնը։ Բոլորովին։ Թե՞ նա տիպար էր գիտնականի և հիմա հիասթափվել են ոմանք։ Իրականում Գագիկ Վրեժովիչը սատանայի ամենամերձավոր փաստաբանն է՝ վրեժի գծով։ Պատահական չէ, որ բոլոր ոլորտներից առաջինը նրա թիրախում հայտնվեց դատաիրավական համակարգը /նույն կերպ՝ Փաշինյանը եկած օրից թիրախավորում է լրատվամիջոցներն ու լրագրողներին/՝ իշխանության թիվ 1 խնդիրը՝ դատական համակարգն ամբողջությամբ զավթելը դարձավ, քանի որ այդ գործն առաջ տանողը անմիջապես սատանայի փաստաբանն էր՝ Գագիկ Ջհանգիրյանը։

Սրան զուգահեռ՝ սատանայի փաստաբանը լինելով ՀՀ ԲԴԽ անդամ՝ սատանային համընթաց՝ կռիվ տվեց և հաղթեց մեր պետությանը՝ Հայաստանի Հանրապետությունից որպես իր «ոտնահարված ու խախտված իրավունքների փոխհատուցում» մի կլոր գումար կորզելով։ Ավելին, սատանայի փաստաբանը հասավ նրան, որ իր պաշտոնանկության վերաբերյալ նախկինում կայացված որոշումներն էլ՝ իրեն կոչումներից զրկելու եւ զբաղեցրած պաշտոնից ազատելու ՀՀ նախագահի 2008 թվականի փետրվարի 23-ի հրամանագրերը այս ընթացքում առոչինչ ճանաչվեցին ։

Բնականաբար, նրա ատելությունն առ ՀՀ նախագահ Ռոբերտ Քոչարյան նաև սրանով է պայմանավորված։ Քանի որ նա պաշտոնանկ է արվել ՀՀ երկրորդ նախագահի հրամանագրով` քաղաքական գործունեությամբ զբաղվելու համար, մինչդեռ լինելով գլխավոր դատախազի տեղակալ, դրա իրավունքը չուներ․ օրենքն արգելում էր դատախազներին զբաղվել քաղաքականությամբ, ուստի համապատասխանաբար արձագանքել էր նաև դատախազությունը։ Բնավ պատահական չէ, ավելին, պարզից էլ պարզ է, որ իշխանափոխությունից հետո սատանայի սույն փաստաբանի ձեռագիրն էր և՛ ՀՀ 2-րդ նախագահի, և՛ նախկին գլխավոր դատախազ Աղվան Հովսեփյանի ձերբակալությունները։

Արդարադատության նախարար էր ուզել, չէր դարձել, գլխավոր դատախազի աթոռն էր 2008-ին փափագում, այդ էլ՝ ի դերև, և ուրեմն, հիմնական նպատակը 2018-ին ձևակերպել էր՝ վրեժ՝ թեկուզ՝ սատանայի փաստաբանը լինելու գնով։ Իրականում՝ սատանան և յուր այս փաստաբանը շատ նման են իրար։

ԲԴԽ նախկին նախագահ Վարդազարյանի հրապարակած ձայնագրությունն, ըստ էության, Ջհանգիրյանին հավատացող-նրան չճանաչողների համար ինչ-որ տեղ վերջինիս դիմակը պատռելու դեր ունեցավ։ Ի դեպ, այս համատեքստում նաև պատռվեց Վճռաբեկ դատարանի դեմքը, բավարարելով Գագիկ Ջհանգիրյանի վճռաբեկ բողոքը, արդարացնել էր նրան, իր վրա վերցնելով ողջ պատասխանատվության բեռը Գագիկ Ջհանգիրյանի կատարած և կատարելիք անիրավությունների…

Մանավանդ, որ Գագիկ Ջհանգիրյանն իր բաց գործունեությունից ավելի հայտնի է, որպես ստվերային կերպար: Մարդ, որի հետ փոխշփումից խուսափել են, որը տարիներ լինելով զինդատախազ, որպես իր մասին հիշողություն թողել է դաժանությունն ու նենգությունը: Մարդ, որի դաժանության բնութագրիչ որպես հիշատակվում է անձնական բանտ ունենալը:

Փաստն այն է, որ այսօր ունենք դատարանով արդարացված Ջհանգիրյան, որը եկել ու դատական համակարգը վերակազմավորելու, վերաշինելու մասին է խոսում: Ասել էր, չէ՞ ոչ միայն դատական, այլև՝ ողջ իրավապահ համակարգը վերաշինման կարիք ունի՝ այսպիսով ուղղակիորեն առաջարկելով Փաշինյանին իր ծառայությունները իրավական ոլորտում: Բայց իրավապահ համակարգը վերաշինելու գործընթացի մասին, երբ Ջհանգիրյանն է խոսում, զգուշացե՛ք, վախեցե՛ք, քանի որ իրավապահ ոլորտում սեփական բանտ ունեցողը ողջ երկիրն է պատրաստ վերածել բանտի:

...Գագիկ Վրեժովիչը սատանայից հետ չմնալով՝ ի՛ր վրեժն է լուծում։

Սատանայի փաստաբանը-3

Սատանայի փաստաբանները-2

Սատանայի փաստաբանները-1

Աղբյուր` Փաստինֆո