Փաստ ինֆո

ՌԴ և Բելառուսի դեսպաններ Սերգեյ Կոպիրկինն ու Ալեքսանդր Կոնյուկը հանդիպել են Հայրենական մեծ պատերազմի վետերանների և Լենինգրադի պաշարումը վերապրածների հետ։ Այս մասին հայտնում է Երևանում Ռուսական տան մամուլի ծառայությունը

Միջոցառման մասնակիցները մեկ րոպե լռությամբ հարգեցին Հայրենական մեծ պատերազմի հերոսների հիշատակը: «Հիշողությունն ուժի աղբյուր է ... Առանց այդ հիշողության՝ մեզ համար ավելի դժվար կլիներ լուծել այսօրվա խնդիրներն ու հարցերը, – ասել է Սերգեյ Կոպիրկինը՝ հավելելով, որ Հայրենական Մեծ պատերազմի ժամանակ Խորհրդային Միությունը միայնակ պայքարել է Եվրոպայի միացյալ ուժերի դեմ, ինչպես այսօր Ռուսաստանը միայնակ պատերազմում է ՆԱՏՕ-ի միացյալ ուժերի դեմ: Նա նշել է, որ Ռուսաստանի համար կարևոր է դաշնակիցների՝ եղբայրական երկրների ֆիզիկական և հոգեբանական աջակցությունը, և որ Ռուսաստանը դա զգում է Հայաստանի և հայ ժողովրդի կողմից։

Հանդիպումը կայացել է Հայաստանի վետերանների միությունում։ Հանդիպմանը մասնակցել են նաև «Ռոսսոտրուդնիչեստվոյի» ներկայացուցիչներ, ինչպես նաև Հայաստանում Ռուսաստանի և Ղազախստանի ռազմական կցորդներ Իգոր Շչերբակովն ու Կենժեբեկ Օրիմբաևը։

Դիմելով վետերաններին' Ալեքսանդր Կոնյուկն ասել է. «դուք կենդանի օրինակ եք, թե ինչպես ապրել եւ ծառայել հայրենիքին»:

Աղբյուր` Փաստինֆո