Փաստ ինֆո

Արթուր Վանեցյանի՝ մանդատը վայր դնելու որոշումն անակնկալ չէր, նա անընդհատ ասում էր, որ այլևս խորհրդարան չի վերադառնալու, ասեց ու արեց մարդը։ «Փաստինֆո»-ի հետ զրույցում ասաց քաղտեխնոլոգ Կարեն Քոչարյանը՝ անդրադառնալով Արթուր Վանեցյանի՝ մանդատը վայր դնելու որոշմանը:

Հիշեցնենք, որ «Պատիվ ունեմ» խմբակցության ղեկավար Արթուր Վանեցյանը հայտարարել է, որ դիմում է ներկայացրել պատգամավորական մանդատը վայր դնելու վերաբերյալ, դադարեցվում է նաև ՀՀԿ-ի հետ ձևավորած «Պատիվ ունեմ» դաշինքի գործունեությունը:

Հարցին՝ հաշվի առնելով ընդդիմադիր պատգամավորների քանակը խորհրդարանում, արդյո՞ք սա ավելի չի թուլացնի ընդդիմության դիրքերն ԱԺ-ում, Կարեն Քոչարյանն արձագանքեց.

Իսկ ընդդիմությունը խորհրդարանում դիրքե՞ր ուներ ընդհանրապես, որ մի հատ էլ թուլացներ, եղե՞լ է այսքան ժամանակ, որ ընդդիմությունը որևէ հարցով մտնի ԱԺ ու իշխանությունը նրանց հետ քննարկի այդ հարցը, ենթադրենք մի հոգի պակասեց, ինչ պետք է դրանից փոխվի»,-ասաց նա:

Կարեն Քոչարյանը կարծում է, որ ընդդիմադիր երկու խմբակցություններն ամբողջ կազմով պետք է վայր դնեն մանդատները:

Զրուցակիցը չի բացառում, որ սրանով պայմանավորված՝ հայաստանյան ընդդիմադիր դաշտում վերադասավորումներ լինեն:

Աղբյուր` Փաստինֆո