Փաստ ինֆո

Քաղաքացիները Ֆրանսիայի հրապարակից քայլերթ իրականացնելով հասել են «Քաղաքացիական պայմանագիր» կուսակցության կենտրոնական գրասենյակ։

«Այս իշխանության օրոք մենք տեսել ենք համաճարակ, հազարավոր մահեր, պատերազմ, հազարավոր նահատակներ, տեսել ենք նաև այն սոցիալական բեռը, որն ամեն օր ծանրանում է մեր հայրենակիցների ուսերին։ Այսօր արդեն այն «բեսպրիդելն» է, որ ՔՊ–ական իշխանությունը սերմանում է ամբողջ երկրում։ Ամեն օր սպանություններ են, կրակահերթեր են, հարուցվող քրեական գործեր»,- հայտարարեց Գեղամ Մանուկյանը։

Քաղաքացիները հայտարարեցին, որ տևական ժամանակ հայ ժողովրդին տեղեկատվական ահաբեկչության ենթարկածները՝ երեկ սրտի և հոգու փառավորմամբ հերթական արձանագրումն արեցին, որ իրենց համար հայ մարդու կյանքը գրոշի արժեք չունի, նրանք ֆիզիկական հաշվեհարդար կտեսնեն ցանկացածի հետ, ով դեմ է Հայաստանի թրքացմանը, թուրք-ադրբեջանական օրակարգի արմատավորմանը;

«Երեկվա սպանդը, որի ակտիվ մասնակիցներն էին այս հանցախմբի, ահաբեկչական խմբավորման անդամները, ցցուն օրինակն էր, որ իրենք չեն կանգնելու, քանի իրենց ձեռքը չեն բռնել, դադար չեն տալու, որովհետև արյունն է, որ իրենց բնութագրիչ ամենակարևոր սիմվոլն է, իրենք մահաբեր են, հայատյաց են, եկել են՝ հայատյացության ու պառակտման օրակարգով»,- նշեց ակցիայի մասնակիցներից մեկը՝ հավելելով, որ նրանք արյամբ եկել են, արյամբ էլ գնալու են;

Քաղաքացիները խաղալիք ավտոմատ և կարմիր ներկ թողեցին ՔՊ գրասենյակի մոտ։

Աղբյուր` Փաստինֆո