Փաստ ինֆո

Շատ կարևոր է հասկանալ, որ այս շարժման պարտությունը մեր ժողովրդի պարտությունը կլինի։ Հանրային քննարկումներում կասկած չկա, որ շարժումը ձեռքբերումներ է ունեցել, իսկ շարժումը վերջնական հաջողություն կգրանցի, թե չէ, կախված է մեզնից։ Այդ մասին հրավիրված մամուլի ասուլիսին ասաց ՀՅԴ Հայաստանի ԳՄ ներկայացուցիչ, «Դիմադրության» շարժման անդամ Իշխան Սաղաթելյանը։

«Այս շարժումն իշխանափոխությամբ չի ավարտվելու․ իշխանափոխությունից հետո սա դառնալու է հաջորդ իշխանության գաղափարախոսական դրույթներից մեկը, քանի որ այս շարժման նպատակն Արցախի հայաթափումը, ՀՀ-ի թրքացումը, ՀՀ ինքնիշխանությանը սպառնացող վտանգները կանխելն է։ Սա մի օրակարգ է, որը իշխանափոխությունից հետո ևս պետք է իրականացվի։ Անհնար է, որ այս շարժումը չհաջողի»,-ասաց Սաղաթելյանը։

Սաղաթելյանն ուշադրություն հրավիրելով Հայաստանի շուրջ կատարվող գործընթացների վրա՝ կարևորեց շարժման անցած մեկուկես ամսվա ուղին։

«Մի պահ պատկերացրեք, որ այն գործընթացները, որ տեղի են ունենում, անցած մեկուկես ամսում տեղի ունեցածը չունենայինք։ Դա հայ ժողովրդի վերջնական կործանումն էր լինելու։ Հիմա իրավիճակ է փոխվել․ կան բոլոր հիմքերը շարժումը զարգացնելու և հաջողությամբ ավարտելու»,-նշեց Սաղաթելյանը՝ հավելելով, որ դրա համար յուրաքանչյուրն իր ջանքը պետք է ներդնի։

Լրագրողի հարցին՝ քննարկվե՞լ է արդյոք մանդատները վայր դնելու հարց, թե՞ ոչ, Սաղաթելյանը պատասխանեց՝ մանդատները վերջնական փոփոխությունն անելու ժամանակ պետք են գալու։

Աղբյուր` Փաստինֆո