Փաստ ինֆո

Օրենքի ուժով ԶՈՒ գլխավոր շտաբի պետ նշանակվելու է պաշտպանության նախարարի առաջին տեղակալը։Կառավարության օրենսդրական նախաձեռնությունը Գործադիրի այսօրվա նիստում հավանության արժանացավ, համարվեց անհետաձգելի և ուղարկվեց Ազգային ժողով՝ հաստատման։

«Պաշտպանության մասին ՀՀ օրենքում» և կից մի շարք օրենքներում կատարված փոփոխությունների համաձայն՝ Կառավարության լիազորությունները պաշտպանության ոլորտում, ըստ էության, բավականին ընդլայնվում են։ Մասնավորապես՝ Անվտանգության խորհրդի մի շարք պլաններ ու ծրագրեր վերապահվում են ՊՆ-ին, գնումների ամբողջ գործընթացը սև կազմակերպելու է ՊՆ-ն։ Գլխավոր շտաբն ընդհանրապես ոլորտին վերաբերող որևէ գնում չի իրականացնելու։

Պաշտպանության նախարար Սուրեն Պապիկյանի խոսքով՝ խմբագրվում են ՊՆ և զինված ուժերի ԳՇ պետի լիազորությունների շրջանակը։ ԶՈՒ ապահովումների գործընթացում ՊՆ-ին են վերապահվում բոլոր տեսակի նյութատեխնիկական միջոցների կառավարումը, բեռնափոխադրումների կազմակերպման գործառույթները գնումների ամբողջ համալիրը։

Զորահավաքային նախապատրաստության և ոլորտի մի շարք այլ իրավասություններ տրվում են Կառավարությանը։
Նախագծի մեջ նշված է, որ օրենսդրական փոփոխությամբ հիմքեր են ստեղծվում ՀՀ պաշտպանության նախարարի այլ տեղակալների պաշտոններն ըստ անհրաժեշտության ևս զինվորական պաշտոններ նախատեսելու ուղղությամբ։

«Գլխավոր շտաբի պետ կնշանակվի ՊՆ առաջին տեղակալը, որը սակայն չի համարվելու պաշտպանության նախարարին փոխարինող անձ»,-նշեց նախարարը։

Վերջինս նաև շեշտեց, որ ընտանեկան որոշակի պայմաններ ունեցողները կլրացնեն զորահավաքին ոչ ենթակա քաղաքացիների շարքը։

Աղբյուր` Փաստինֆո