Փաստ ինֆո

Հայաստանի ահմանամերձ գյուղական բնակավայրում անհատական բնակելի տուն կառուցել ցանկացող ընտանիքներին պետությունը նվազագույնը 120 ամիս՝ 10 տարի ժամկետով հիփոթեքային վարկ կտրամադրի։ Կառավարության այսօրվա նիստում հաստատվեց նախագիծը։

Ինչպես նշված է նախագծի մեջ՝ վարկը տրամադրվել է փուլերով, հետևյալ համամասնությամբ. 1-ին փուլով՝ վարկի 25%-ի չափով, 2-րդ փուլով՝ վարկի 45%-ի չափով, 3-րդ փուլով՝ վարկի 30%-ի չափով: Ընդ որում, 2-րդ և 3-րդ փուլերով վարկի տրամադրման համար հիմք է հանդիսանում նախորդ փուլում տրամադրված վարկի գումարի նպատակային օգտագործումը:

Նախագծի ընդունմամբ՝ 2022 թվականի պետական կամ տեղական ինքնակառավարման մարմինների բյուջեներում ծախսերը կավենալանան մինչև 137.7 մլն դրամի չափով:

2022թ․ ընթացքում նշված ծրագրով նախատեսվում է աջակցություն տրամարդել 240 շահառուի, 2023-ին՝ 400 շահառուի, 2024-ին՝ 560։

Աջակցությունը տրամադրվելու է վարկի մայր գումարի 12 մլն դրամի և դրա գծով մինչև 12 տոկոս հաշվեգրվող տոկոսագումարների մարման համար: 10 տարիների ընթացքում աջակցության գումարն ընդհանուր առմամբ կազմելու է 20 մլն 660 հազար դրամ:

Ինչպես նշեց աշխատանքի և սոցիալական հարցերի նախարար Նարեկ Մկրտչյանը, ծրագրի նպատակը սահմանամերձ գյուղական բնակավայրերի համաչափ զարգացումն է։

«Հանրապետությունում ներկայումս առկա է 79 սահմանամերձ գյուղական բնակավայր, որոնք ընդգրկված են ՀՀ 6 մարզերում։ Մարզային և մասնավորապես սահմանամերձ գյուղական բնակավայրերում վարկային բեռը թեթևացնելով` ընտանիքներին հնարավորություն կընձեռվի անհատական բնակելի տուն կառուցել իրենց իսկ նախընտրած սահմանամերձ գյուղական բնակավայրում»,-նշեց նախարարը։ Շահառու կարող են դառնալ ՀՀ ռեգիստրում գրանված ամուսինները, որոնցից առնվազն մեկը ՀՀ քաղաքացի է:

Նախագծի մեջ նաև նշված է, որ մինչև 2020 թվականի՝ Ադրբեջանի Հանրապետության կողմից սանձազերծած պատերազմը սահմանամերձ գյուղական բնակավայրերի թիվը կազմում էր 36։ Պատերազմի հետևանքով սահմանային ճակատի փոփոխության արդյունքում սահմանամերձ բնակավայրերի թվում ներառվեցին նաև Սյունիքի մարզի թվով 37 բնակավայր, ինչպես նաև 6 բնակավայր Գեղարքունիքի մարզից։

Աղբյուր` Փաստինֆո