Փաստ ինֆո

Հայաստանի, Ռուսաստանի և Ադրբեջանի ղեկավարների համատեղ ընդունած երեք հայտարարությունները հստակ ճանապարհային քարտեզ է, որով պետք է առաջնորդվենք: ՀՀ ԱԳ նախարար Արարատ Միրզոյանի հետ համատեղ ասուլիսում հայտարարել է ՌԴ ԱԳ նախարար Լավրովը։

Պատասխանելով ռուս լրագրողի՝ հայ-ադրբեջանական հարաբերությունների վերաբերյալ հարցին՝ ՌԴ ԱԳ նախարարը նշել է, որ գործընթացը շարունակվում է, արդեն իսկ կան շոշափելի, դրական արդյունքներ.

«Միգուցե դանդաղ տեմպերով է առաջ գնում, բայց կասկած չկա, որ վերջնական պայմանավորվածության կհասնենք: Կողմերից յուրաքանչյուրն, իհարկե, ունի իր առանձին տեսակետը հարաբերությունների կարգավորման մասին, այդ տեսակետները հաճախ չեն համընկնում, բայց մենք բոլորս մեկ ընդհանուր համոզմունք ունենք, որ երեք երկրների ղեկավարների համատեղ ընդունած երեք հայտարարությունները հստակ ճանապարհային քարտեզ է, որով պետք է առաջնորդվենք»,-ասել է նա:

Լավրովը դրական է գնահատել սահմանազատման և սահմանագծման հարցերով հայ-ադրբեջանական հանձնաժողովների հանդիպումների արդյունքները.
«Հանձնաժողովների հերթական հանդիպումը կկայանա Մոսկվայում, մենք պատրաստ ենք կողմերի հետ խորհրդատվություն անցկացնել, ինչպես նաև քարտեզներ տրամադրել»,-ասել է Լավրովը:

Աղբյուր` Փաստինֆո