Փաստ ինֆո

Հայաստան ավելի շատ գումար է մտնում, քան դուրս գալիս։ Այսօր նման հայտարարությամբ է հանդես եկել ՀՀ էկոնոմիկայի նախարար Վահան Քերոբյանը՝ պնդելով, թե դա կառավարության հետեւողական աշխատանքի արդյունքն է՝ տեղական արտադրությունը եւ ներդրումների խթանման հարցում։ Ավելին, նա վստահ է, որ ներդրումների մեծ հոսք կա։

Այդուհանդերձ, Քերոբյանն ընդունել է, որ դոլարի արժեզրկումը որոշ անհնագստության տեղիք է տվել առանձին սեկտորի տնտեսվարողների մոտ։

«Որոշ սեկտրներում կա խիստ մտահոգություն՝ հիմնականում արտահանողներն են, IT սեկտրը, ծառայությունների արտահանումը »,- հայտարարել է Քերոբյանը՝ նշելով, որ տարբեր քննարկումներ են ունենում բազմաթիվ տարբեր սեկտրների տնտեսավարողների, նաեւ կառավարության ու Կենտրոնական բանկի գործընկերների հետ»,- ասել է Քերոբյանը՝ նշելով, որ հասկանում են իրենց մտահոգությունները եւ կարծում են, որ պետք է արվի այնպես, որ տնտեսության կարեւոր ճյուղերին որեւէ վտանգ չսպառնա։

Ըստ նրա՝ այս պարագայում Կենտրոնական բանկը պետք է սկսի կիրառել նոր գործիքակազմ։

Պատասխանելով լրագրողի այն հարցին, ԿԲ-ն ինչ-որ բան պետք է անի, որը չի անում՝ նախարարն արձագանքել է. «Կենտրոնական բանկն ունի լայն գործիքակազմ եւ կարող է այնպես անել, որ ավելի հավասարակիշռ փոխարժեք ունենա։ Օրինակ՝ դրամը ուժեղանում է դոլարի նկատմամբ, բայց դրամ-ռուբլի զույգը մոտավորապես կայուն վիճակում է առայժմ»։

Դոլարի փոխարժեքի նվազման պարագայում ինչու չեն նվազում գները՝ հարցին ի պատասխան Քերոբյանն առաջարկել է այն ուղղել Կենտրոնական բանկին։
Արձագանքելով նախարարի խոսքին լրագրողը նշել է. «Քանի որ ԿԲ-ն ունի լայն գործիքակազմ եւ այս պահին օգտվում է այն գործիքներից, որով փաստացի արժեւորվում է դրամը։ Արդյո՞ք դուք Ձեր համաձայնությունը տվել եք», ինչին նախարարը բացասական պատասխան տվեց։

«Ոչ ես չեմ տվել իմ համաձայնությունը»,- հայտարարել է Քերոբյանը։

Աղբյուր` Փաստինֆո