Փաստ ինֆո

Արարատ Միրզոյանն այսօր հայտարարել է, թե Հայաստանում չկա քաղաքական ճգնաժամ, քանի որ նախորդ տարի տեղի են ունեցել ընտրություններ և այդ ընտրություններից հետո ճգնաժամը հաղթահարվել է, սա իրենց հիմնական թեզն է, որով փորձում են համոզել միջազգային հանրությանը և մեր ժողովրդի ժողովրդին, որ նախորդ տարի ընտրությունների արդյունքում, չնայած իրենց դավաճանությանը, երկիրը խայտառակ պարտությանը տանելուն, միևնույնն է՝ իրենք լեգիտիմ են և ընտրություններից հետո ճգնաժամը հաղթահարված է: «Դիմադրության» շարժման հանրահավաքի ժամանակ հայտարարել է ԱԺ փոխնախագահ Իշխան Սաղաթելյանը:

Նրա խոսքով՝ նախընտրական քարոզարշավի ժամանակ ՔՊ-ն խոստացել է մի բան, սակայն ընտրվելուց հետո խաբել է ժողովրդին և արել հակառակը.

«Անցած տարի այս օրերին նախընտրական արշավ էր, իսկ ՔՊ-ն իր նախընտրական ծրագրում ժողովրդին խոստացել էր՝ Արցախի ինքնորոշման իրավունք, խոսել են դեօկուպացիայի մասին, բայց դրանից հետո կեղծիքով վերարատարդվել են և ընտրություններից հետո հայտարարել են՝ իջեցնում են Արցախի նշաձողը:

Եթե Նիկոլ Փաշինյանը, Արարատ Միրզոյանը և ՔՊ-ն նախընտրական քարոզարշավի ժամանակ ասած լինեին որ իրենց իշխանության գալու դեպքում ունենալու ենք տարածքային նոր կորուստներ, հայրենազրկում և դրանից հետո ստանար մեր ժողովրդի քվեն , նոր կարող էին ասել, որ լեգիտիմ են և ժողովրդի անունից մանդատ ունեն, բայց քանի որ դա ասել են միայն վերընտրվելուց հետո, ուրեմն այլևս կապ չունեն մեր ժողովրդի հետ»,-ասաց Սաղաթելյանը:

Աղբյուր` Փաստինֆո