Փաստ ինֆո

«Ոստիկանության աշխատակիցը կամ ոստիկանի համազգեստում քողարկված հանցագործը  բռնություն է կիրառում ՀՀ քաղաքացու նկատմամբ,  ակնհայտ վնաս պատճառելով և վտանգելով  նրա առողջությունը, նույնիսկ, կյանքին սպառնացող վտանգ հասցնելով նրան։ Ոստիկանությունը թշնամական գործողություններ է իրականացնում քաղաքացիների նկատմամբ, ինչին մենք ականատես եղանք երեկ Կառավարական ամառանոցների հարևանությամբ տեղի ունեցող իրադարձությունների տեսքով»,- Ֆրանսիայի հրապարակից քիչ առաջ լրագրողների հետ ճեպազրույցի ընթացքում ասել է Ազգային Ժողովի պատգամավոր Արծվիկ Մինասյանը։

Վերջինս հավելում է՝ երբ մենք տեսնում ենք դիմակավորված կամ համազգեստ չունեցող անձանց ակնհայտ գործողությոունները Ոստիկանական հատվածի կողմից կամ նրանց օժանդակելու նպատակով, սրանք կոնկրետ հանցագործությսն դրվագներ ու դեպքեր են.

«Այս պահին մենք ունենք հսկայական թվով անձինք, այդ թվում՝ քաղաքացիներ և ոստիկանության աշխատակիցներ, որոնք առողջությանը պատճառվել է միջին ծանրության վնասներ։  Սրանց թիվ մեկ պատասխանատուն և մեղավորն այն անձինք են, որոնք հրահանգներ են իջեցրել այս ուժերի կողմից՝ խաղաղ երթը ջարդելու ուղղությամբ։ Ընդ որում, ոստիկանության բազմաթիվ անձինք վնասվածքներ են ստացել նույն ոստօկանության կատարած գործողությունների պատճառով, ինչը բերել է հավելյալ ագրեսիայի, ոստիկանական այլ ուժերի կողմից՝ ընդդեմ քաղաքացիների»,- ասել է Արծվիկ Մինասյանը։

Աղբյուր` Փաստինֆո