Փաստ ինֆո

ՔՊ-ական մի քանի պատգամավորներ «Դիմադրության» շարժման պայքարի առաջին օրից փորձում են հիմքեր ստեղծել՝ ինձ կալանքի տանելու համար։ Ֆրանսիայի հրապարակում ասուլիսի ժամամակ հայտարարել է ԱԺ փոխնախագահ Իշխան Սաղաթելյանը :

Անդրադառնալով կառավարական առանձնատների դիմաց ակցիայի ժամանակ կիրառված ոստիկանական բիրտ գործողություններին, լուսաձայնային նռնակներին՝ Իշխան Սաղաթելյանը հայտարարեց, որ դա սադրանք էր ոստիկանների կողմից կազմակերպված՝Նիկոլ Փաշինյանի հրահանգով.

«Ես այս շարժման համար պատասխանատվություն եմ կրում, բայց իշխանությունն էլ պատասխանատվություն է կրում 5 հազար զոհված տղերքի համար։ Իրենք պետք է պատասխան տան 187 գյուղի, 6 քաղաքի, Արցախի 72 տոկոսի կորստի համար»,-ասաց Սաղաթելյանը։

ԱԺ փոխնախագահի խոսքով՝ ռեժիմը, հասկանալով, որ օրեցօր կորցնում է իշխանությունը, «Կոլցո» օպերացիա է կազմակերպել և ժողովրդին ջարդել։

«Ո՛չ հարձակվել ենք, ո՛չ բռնության կոչեր ենք արել, ընդամենն ասել ենք՝ ինչու՞ եք փողոց փակում, ինչու՞ եք ժողովրդին ջարդում։ Դրա համար հատ-հատ պատասխան են տալու։ Բայց թող միշտ իմանան, որ իշխանությունը հավերժ չէ, ո՞վ են իրենք»,- հարց հնչեցրեց Սաղաթելյանը։

Իշխան Սաղաթելյանը հայտարարեց՝ գնալու են մինչև վերջ, որևէ ճնշում չի կանգնեցնելու իրենց.

«Այսօր տեղի ունեցածը ցույց տվեց, որ իրենք այլևս չեն դիմանում։ Ասում էինք՝ տեմպը պահենք, ծավալն ավելացնենք՝ ծնկի են գալու։ Նրանք այլևս չեն դիմանում։ Այսօր մենք փաստեցինք, որ ճիշտ ուղու վրա ենք»,- ասաց նա՝ ընդգծելով.  «Թող փորձեն մեզ տանեն կալանքի՝ շարժումը նոր թափ կհավաքի»։

Լրագրողի այն դիտարկմանը, թե արդյոք տեղեկություն ունի Սաղաթելյանը, որ փորձում են իրեն անձեռնմխելիությունից զրկել վերջինս արձագանքել է. գլուխները պատով կտա, կարո՞ղ են՝ թող անեն»։

Աղբյուր` Փաստինֆո