Փաստ ինֆո

Եթե  նախկինում իշխանությունները չէին խոսում Արցախի անկախության ճանաչման մասին, որն՝ այո՛, իսկապես կխանգարեր Արցախի բանակցային գործընթացին, հիմա տեսեք ու՞ր ենք հասել, որ ընդամենն այն միտքն ասելու համար, որ Արցախը չի կարող լինել Ադրբեջանի կազմում, ասում են, որ դա կվնասի բանակցային գործընթացին։ Նման տեսակետ հայտնեց Արցախի Աժ «Արդարություն» խմբակցության քարտուղար Մետաքսե Հակոբյանը Ֆրանսիայի հրապարակում պատասխանելով լրագրողների հարցերին։ 

Ի դեպ լրագրողի այն հարցին՝ որ արդյո՞ք միմյանց հետ կապ ունեն վաղվա ընդդիմադիրների հրավիրած արտահերթ նիստը, Արցախի նախագահի ու ՀՀ վարչապետի այսօրվա գաղտնի հանդիպման հետ, Արցախցի պատգամավորը պատասխանեց, որ անգամ իրենք տեղյակ չեն՝ Արայիկ Հարությունյանը Հայաստանում է գտնվում, թե ոչ։ Նա հայտարարեց, որ փորձել են ճշտել տեղեկությունը, բայց չի ստացվել։ 

«Ցավալի է, բայց փաստ, որ թաքուն հանդիպումներն այս իրավիճակում շատ անհանգստացնող է, քանի որ արդեն ճանաչելով ՀՀ վարչապետին, կարող եմ ասել, որ նա ամենահզոր մանիպուլյատորն է, չնայած Արայիկ Հարությունյանն էլ չի զիջում իր խորամանկությամբ, բայց շատ հեշտ կարող է նա ազդել։ Այն մեսեջները, որ ինքը փորձում է փոխանցել հանդարտեցնելու համար բոլորին, այո, կարող է անել Արայիկ Հարությունյանի միջոցով, ինչը, որ ես չեմ բացառում, որ եթե իրականում կա այդ հանդիպումը,  դա այս ծանր ու անհանգիստ իրավիճակն էլ ավելի է լարելու»,- կարծում է արցախցի պատգամավորը։

Նա չբացառեց, որ իրենց հատուկ ձևերով՝ նկատի ունենալով Հայաստանի իշխանությանը,  համոզեն բոլորին, որ չխոսելով Արցախի մասին, դա բխում է հենց Արցախի շահերից։

«Դա կարող են  արդարացնել, որ խոսելը կվնասի Արցախի բանակցային գործընթացին։ Տեսեք, թե՝ որտեղից ուր ենք հասել, ուր են իջեցրել մեր նշաձողը»,-ասաց պատգամավորն ու ավելացրեց. «Հիմա այս խաղաղության օրակարգը մեզ ուղիղ տանում է Ադրբեջանին բռնակցելուն»։

Աղբյուր` Փաստինֆո