Փաստ ինֆո

Ոստիկանության ծառայողները բիրտ ուժ են գործադրել ՀՀ երկրորդ  նախագահ Ռոբերտ Քոչարյանի որդու՝ Լեւոն Քոչարյանի նկատմամբ, որի հետեւանքով նա վնասվածքներ է ստացել։

Ոստիկանության բաժնից ազատ արձակվելուց հետո Լ. Քոչարյանը պատմել է, որ ոստիկանների մեջ կային որոշները, որոնք ինչ-որ անիմաստ աշխուժություն էին ցուցաբերում, փորձում էին հատուկ կոպիտ ինչ-որ բան արած լինեին այն դեպքում, որ իմաստը չկար։ «Մեկը մեջքիցս էր բռնել, երկուսը՝ կողքերից, մյուսն էլ գալիս էր, որ ձեռքերս ոլորի: Միգուցե մտածում էին պարգևավճարը ավել կլինի կամ ինչ-որ առաջխաղացում կունենան, կամ մտածում էին նման բան անելուց ինչ-որ մեկը վերևներում կուրախանա»,-  Էրեբունու բաժնի մոտ ասել է Լևոն Քոչարյանը՝ անդրադառնալով ոստիկանական այսօրվա բիրտ գործողություններին:

Նրա խոսքով՝ այսպիսի գործողություններով փորձում են ճնշել, մադկանց վախեցնել: Լևոն Քոչարյանը նշեց, որ ոստիկանությունն այս անգամ զուտ վարչական իրավախախտմամբ չի բերման ենթարկել ցուցարաներին, այլ՝ խուլիգանության կասկածանքով, ըստ նրա՝ փորձելու են քրգործ հարուցել, որն աբսուրդ է.

« Դա աբսուրդ է, դատարկություն է, բայց երևի սրանով ուզում են էլ ավելի կոպիտ ապօրինությունների գնալ»,-ընդգծեց Լեւոն Քոչարյանը:

Անդրադառնալով իր ձեռքի կապտուկներին, նա ասաց, որ դա ոստիկանական գործողությունների հետևանքն է:

Աղբյուր` Փաստինֆո