Փաստ ինֆո

Այս տարվա տնտեսական ցուցանիշներն այսքան բարձր են, որովհետև անցյալ տարի գրեթե բոլոր ոլորտներում ունեցել ենք շատ վատ ցուցանիշներ։ Այս մասին «Փաստինֆո»-ի եթերում ասել է Աուդիտորների պալատի նախագահ Նաիրի Սարգսյանը։

«ՌԴ-ից եկած լրացուցիչ 80 կամ թեկուզ 100 հազար մարդկանց հաշվին այսքան աճ ապահովելն ուղղակի ծիծաղելի է»,- ասել է Սարգսյանը` ավելացնելով. «Սա նույնիսկ մանիպուլյացիա էլ չի, սա արդեն անամոթություն է, ու չի կարելի էսպես խաբել ժողովրդին, ինչ աճի մասին է խոսքը, ինչու էդ դեպքում գյուղատնտեսությունը չեն հրապարակում, որովհետև անկում է գրանցվել այդ ոլորտում»:

Նրա խոսքերով` 80 հազար մարդ եկել է ՀՀ` բիզնես գործունեություն ծավալելու, եթե ՀՀ կառավարությունը տարրական գիտելիք ունենար, դրանցից կեսին, այն է` 40 հազարին պետք է պահեր ՀՀ-ում, բայց փոխարենը մեր անգրագետ կառավարման հետևանքով այդ 80 հազարից 75-ին ուղարկել ենք Թուրքիա, Ադրբեջան, Դուբայ, ու էնտեղ են մարդիկ շարունակել իրենց բիզնեսը։ «Այդ հինգ հազարն եկել են ՀՀ` կազմակերպություն են բացել, ու տնօրեն նշանակվել, սա՞ է քո բացած աշխատատեղը, կամ դու որպես կառավարություն ինչ կապ ունես այս ամենի հետ»,- ասել է Սարգսյանը` առաջարկելով, որ կառավարության ղեկավարը երեկոյան մի բաժակ օղի խմի, ու փառք տա Աստծուն, որ Ուկրաինայում պատերազմ է, ու դրա հաշվին որոշակի ակտիվություն կա։

Մանրամասները՝ տեսանյութում։

Աղբյուր` Փաստինֆո