Փաստ ինֆո

Անչափահաս երկու երեխայի ոստիկանության մետրոպոլիտենի բաժնի աշխատակիցների կողմից ծեծի ենթարկելու փաստի առթիվ հարուցված քրեական գործն այսուհետ կքննի ԱԱԾ-ն։ Այս մասին «Փաստինֆ»-ի հետ զրույցում հայտնեց փաստաբան Միքայել Շխիմյանը։

Ինչպես արդեն տեղեկացրել ենք՝ Երևանում իրականացվող խաղաղ ակցիաների ընթացքում քաղաքացիները կաթվածահար էին արել նաև Մետրոպոլոտենի աշխատանքը։ Ակցիայի ընթացքում ոատիկաննեէը բերման էին ենթարկել քաղաքացիների, այդ թվում՝ անչափահաս երեխաների։ Ոստիկանության մետրոպոլիտենի բաժնի աշխատակիցների կողմից երկու անչափահաս երեխաներ ծեծի են ենթարկվել, ինչի առթիվ հաղորդում էր ներկայացվել։ Քննիչի կողմից տրվել էր դատաբժշկի ուղեգիր, ֆիքսվել էին երեխաների կողմից ստացված մարմնական վնասվածքները։

Հակակոռուպցիոն կոմիտեում հարուցվել էր քրեական գործ՝ ՀՀ քրեական օրենսգրքի 309.1-րդ հոդվածի 2-րդ մասի 1-ին, 2-րդ և 4-րդ մասերով, այն է՝ «Խոշտանգումը, որը կատարվել է մի խումբ անձանց կողմից, երկու կամ ավելի անչափահաս անձանց նկատմամբ»։

Փաստաբան Միքայել Շխիմյանը «Փաստինֆո»-ի հետ զրույցում նշեց, որ քրեական գործը Հակակոռուպցիոն կոմիտեից փոխանցվել է ԱԱԾ քննչական դեպարտամենտ՝ դրա հետագա նախաքննությունը շարունակելու նպատակով։ Քրեական գործի շրջանակներում երեխաներին տուժողի կարգավիճակ է շնորհվել։ Փաստաբանը դեռևս տեղեկություն չունի՝ քրեական գործով մեղադրյալի կարգավիճակ ունեցող անձ կա, թե ոչ, այդ մասին տուժող կողմին հայտնի կդառնա՝ առերես հարցաքննության ժամանակ։ Միևնույն ժամանակ, փաստաբանն ընդգծեց, որ հետամուտ են լինելու, որ մեղավորները պատժվեն օրենքի ողջ խստությամբ։

Ի դեպ, նշված արարքը որպես պատիժ է սահմանում բացառապես ազատազրկման ձևով՝ յոթից տասներկու տարի ժամկետով։

Հեղինակ՝ Իզաբել Սահակյան

Աղբյուր` Փաստինֆո