Փաստ ինֆո

Ազգային Ժողովի «Հայաստան» դաշինքի պատգամավոր Արմեն Ռուստամյանը տարակուսած է՝ երբեք Փաշինյանի հետ որևէ տեսակի զրույց կամ քննարկում չի ունեցել Մադրիդյան սկզբունքների շուրջ, առավել ևս՝ որևէ հայտարարի չի եկել նրա հետ՝ վերոհիշյալ թեմայի վերաբերյալ։ Այս մասին նա այսօր հայտնել է լրագրողների հետ ճեպազրույցի ընթացքում և հավելել. «Նախ, այդ հարցի վերաբերյալ ես հակառակ համոզմունք ունեմ, հետո գնալով համոզվում եմ, որ այդ իշխանություններն, իսկապես, բանակցային գործընթացի մեջ մեր շահերը պաշտպանելու բանաձևը չեն գտել, նրանք չգիտեն՝ ինչպե՞ս պաշտպանեն հայկական դիրքը բանակցային գործընթացում։ Ինչ վերաբերում է Մադրիդյան սկզբունքներին, ապա դա, ինքնին, փոխզիջումային փաստաթուղթ է, իսկ փոխզիջում՝ նշանակում է նաև մեր կողմից զիջում։ Մենք, իսկապես, շատ գրագետ քայլ ենք կատարել, մեր կողմի զիջումը համարելով այն, որ Արցախում պետք է ևս մեկ հանրաքվե անցկացնել և վստահ էինք, որ այդ հանրաքվեի արդյունքը նույնն է լինելու։ Իսկ, դու գիտես, որ հանրաքվեն նույն արդյունքն է տալու, բայց այս անգամ, արդեն միջազգայնորեն ճանաչվելով, բնականաբար, այդ քայլին գնալը, կարլի էր ամենամեծ հաջողությունը համարել »,- ասել է Արմեն Ռուսատամյանը։

Արմեն Ռուստամյանը զարմացած է՝ ինչպե՞ս կարելի է այդքան ժամանակ այդ պաշտոնին լինել ու, այդպես էլ չհասկանալ, որ սա մեր կողմից շատ գրագետ քայլ է եղել և Մադրիդյան բանաձևը մեկնաբանել որպես Արցախի ինքնորոշման իրավունքից հրաժարվելու կամ Արցախը Ադրբեջանին հանձնելու գործընթաց։

Մանրամասները՝ տեսանյութում

Աղբյուր` Փաստինֆո