Փաստ ինֆո

Պարոն Ջհանգիրյանը կամ տեղյակ չէ, կամ սխալ են իրեն զեկուցել։ Առաջին իսկ պահից սկսած թե՛ ես, թե՛ պարոն Մարտիոսյանը զգացել ենք դատավոր Բիշարյանի կանխակալ մոտեցումն այս գործով և իքննաբացարկի միջնորդություն ենք ներկայացրել։ Այս մասին քիչ առաջ ԲԴԽ-ի դիմաց հայտարարեց Արծվիկ Մինասյանը՝ այն բանից հետո, երբ Կարին Տոնոյանը, դուրս գալով ԲԴԽ-ում տեղի ունեցած հանդիպումից, ասաց՝ նիստերը դռնբաց անցկացնելու համար միջնորդություն պետք է ներկայացնեն Մինասյանն ու փաստաբան Հակոբ Մարտիրոսյանը։

«Երբ դատավորը խորհրդակցական սենյակից վերադառնալով՝ հրապարակեց նիստերը դռնփակ անցկացնելու մասին իր որոշումը, և՛ ես, և՛ պարոն Մարտիրոսյանը միջնորդել ենք, որ նա վերանայի իր որոշումը և փոխի այն։ Պատճառը պարզ էր․ այդ որոշմամբ արդարադատության երկու հիմնարար սկզբունքները՝ հրապարակայնությունը և իրավունքի ուժով տուժող ճանաչված անձանց ներգրավվածությունը գործին, չեն կարող պահպանվել։ Այնպես որ, պարոն Ջհանգիրյանը, հավանաբար, կա՛մ մանիպուլացնում է իրականությունը, կա՛մ սխալ տեղեկություն են հաղորդել իրեն»,-ասաց Արծվիկ Մինասյանը՝ հավելելով, որ, ամեն դեպքում, երկուշաբթի կրկին միջնորդություն կներկայացվի՝ նիստերին տուժող ճանաչված կողմի և լրագրողների ներկայությունն ապահովելու համար։

Տիկին Տոնոյանն էլ ավելացրեց, որ եթե չբավարարվեց այդ միջնորդությունը ևս, ապա ծնողները կրկին հավաքվելու են ԲԴԽ- ի մոտ և նորից են իրենց պահանջը ներկայացնելու։

Ուզում եմ պարոն Ջհանգիրյանին տեղեկացնել, որ այն, ինչ կատարվում է դատարաններում, ակնհայտորեն ցույց է տալիս, որ իշխանությունը՝ ի դեմս գործադիրի ղեկավարի ու, իբր, դատարանների անկախությունը երաշխավորող բարձրագույն դատական խորհրդի՝ ի դեմս նրա նախագահի, ամեն ինչ անում է, որ երկրում արդարադատություն չլինի»,-նշեց Մինասյանը և վստահեցրեց, որ չնայած այդ ամենին՝ իրենք մինչև վերջ կանգնելու ենք զոհված զինծառայողների ծնողների կողքին։

Աղբյուր` Փաստինֆո