Փաստ ինֆո

Չեռնոգորիայի նախագահը ստիպված է եղել կառավարության շենք մուտք գործել հետնամուտքով, քանի որ կառավարության գլխավոր մուտքը շրջափակել են Փաշինյանի հրաժարականը պահանջող քաղաքացիները։

Ինչպես արդեն տեղեկացրել ենք՝ Կառավարության շենքում նախատեսված է Նիկոլ Փաշինյանի և Չեռնոգորիայի նախագահի հանդիպումը։ Քաղաքացիները Կառավարության շենքի դիմաց են՝ «Նիկոլ դավաճան», «Հեռացիր», «թուրք» վանկարկումներով։ Նրանք իրենց խոսքն են հղում նաև միջազգային հանրությանը՝ Նիկոլ Փաշինյանը չունի մանդատ՝ ՀՀ-ի և Արցախի անունից բանակցելու համար։ Ակցիայի մասնակիցներն ունեն նաեւ անգլերենով պաստառներ։

Ոստիկանական մեծաքանակ ուժեր են կենտրոնացված Կառավարոթյան շենքի մոտ, որոնք ոստիկանական պատով շղթայել են ամբողջ շենքը՝ փակելով բոլոր մուտքերն ու ելքերը, տանիքներին էլ՝ դիպուկահարներ են։

Քանի որ կառավարության մուտքը բողոքի գործողություն իրականացնողների և ոստիկանական մեծաթիվ ուժերի կողմից փակ է, Նիկոլ Փաշինյանը Չեռնոգորիայի նախագահին դիմավորել է շենքի հետնամուտքում։

«Քիչ առաջ տեղեկացանք, որ հետևի մուտքով կարողացել են մտցնել կառավարության շենք»,- հայտարարեց Իշխան Սաղաթելյանը. «Հետնամուտքով ընդունում են այլ երկրի նախագահին։ Դու հյուր ընդունել էլ չգիտես»։

Աղբյուր` Փաստինֆո