Փաստ ինֆո

Չինաստանի բանակի զորավարժությունների անցկացումը Թայվանի մոտ անհրաժեշտ միջոց է ի պատասխան ԱՄՆ-ի եւ Թայվանի դավադրության, ինչպես նաեւ ինքնիշխանության եւ տարածքային ամբողջականության պաշտպանության համար, հայտարարել է ՉԺՀ-ի պաշտպանության նախարարության պաշտոնական ներկայացուցիչ Տան Կեֆեյը:

Ավելի վաղ Չինաստանի Ժողովրդական ազատագրական բանակի մարտական հրամանատարության Արեւելյան գոտին հայտնել էր, որ չինական զինված ուժերը զորավարժություններ են կազմակերպել Թայվանի կղզու շրջանում, եւ որ այդ միջոցները ձեռնարկվել են «ԱՄՆ-ին նախազգուշացնելու» համար: Զորավարժություններն անցկացվել են ԱՄՆ-ի նախագահ Ջո Բայդենի արտահայտությունների ֆոնին, որն այս շաբաթ հայտարարել է «ներխուժման դեպքում» Թայվանի պաշտպանությանը ԱՄՆ-ի մասնակցության պատրաստակամության եւ նրա ստատուս-քվոն միակողմանի կարգով փոխելու փորձերի ֆոնին:

«Մենք վճռականորեն դեմ ենք ԱՄՆ-ի եւ Թայվանի միջեւ ցանկացած պաշտոնական շփումներին եւ ռազմական կապերին։ Թայվանի անկախության ձգտումը փակուղի է, եւ Թայվանի անկախությանը աջակցությունը նույնպես ճանապարհ է դեպի ոչ մի տեղ», – հայտարարել է Տան Կեֆեյը, որի խոսքը մեջբերում է երկրի պաշտպանական գերատեսչությունը:

Նա ընդգծել է, որ ԱՄՆ-ն բազմիցս հայտարարել է, որ հավատարիմ է «մեկ Չինաստանի» քաղաքականությանը եւ չի պաշտպանում Թայվանի անկախությունը, սակայն որոշակի ժամանակ է, ինչ Վաշինգտոնը ջանում է «թայվանական քարտ» խաղարկել Չինաստանին զսպելու համար, եւ դա անպայման կհանգեցնի վտանգավոր իրադրության:

«Թայվանը Չինաստանի մաս է, եւ թայվանական հարցը դրսից միջամտություն չի հանդուրժում»,- ասել է նա։

Աղբյուր` Փաստինֆո